(បាងកក)៖ អ្នកនាង Boom Panadda Wongphudee អតីតម្ចាស់មកុដMiss Thailand ដែលបានក្លាយជាបុគ្គលលេចធ្លោម្នាក់ ក្នុងសកម្មភាពសប្បុរសធម៌ នៅប្រទេសថៃ ត្រូវបានចាប់ខ្លួន នៅទីក្រុងបាងកក នាព្រឹកថ្ងៃសុក្រទី០៦.១១.២០២៦។
សារព័ត៌មានKhaosod។
ការចាប់ខ្លួននេះ ធ្វើឡើងដោយសារមានការចោទប្រកាន់ថា នាងបានប្រើប្រាស់ថវិកាបរិច្ចាគ ពីសាធារណជនជាប្រយោជន៍ឯកជន។
តារាសម្តែង និងជាពិធីការិនីទូរទស្សន៍វ័យ ៥០ឆ្នាំរូបនេះ ដែលជាប្រធានមូលនិធិ”Do Good Organisation” ផងនោះ កំពុងប្រឈមមុខនឹងការចោទប្រកាន់ចំនួន៣ ករណី រួមមាន៖ ការឆបោកសាធារណជន ការលាងលុយកខ្វក់ និងបទល្មើសក្រោមច្បាប់ស្តីពីឧក្រិដ្ឋកម្មកុំព្យូទ័ររបស់ប្រទេសថៃ។
មន្ត្រីមកពីផ្នែកបង្ក្រាបឧក្រិដ្ឋកម្មសេដ្ឋកិច្ច បានធ្វើការចាប់ខ្លួនអ្នកនាង Panadda នៅវេលាម៉ោងប្រហែល ០៦:២៨នាទីព្រឹក នៅជិតច្រកចូលបុរីលំនៅឋានមួយកន្លែង លើផ្លូវ Nawamin ក្នុងខណ្ឌ Bueng Kum នៃទីក្រុងបាងកក ដោយអនុវត្តតាមដីកាបង្គាប់ឱ្យចាប់ខ្លួន ដែលចេញដោយតុលាការព្រហ្មទណ្ឌ។
ហេតុការណ៍ចាប់ខ្លួននេះ បានកើតឡើង ខណៈដែលអ្នកនាង Panadda និងមេធាវីរបស់ខ្លួន។
គឺលោក Ekkasit Srisang (ដែលគេស្គាល់ថាជា មេធាវី Phet) កំពុងរៀបចំខ្លួន ដើម្បីថ្លែងទៅកាន់ក្រុមអ្នកសារព័ត៌មាន ដែលបានប្រមូលផ្តុំគ្នានៅខាងក្រៅបុរីនោះ ដើម្បីសាកសួរព័ត៌មានថ្មីៗអំពីដំណើរការស៊ើបអង្កេត៕
