មន្ត្រីស្តីទីអភិបាលខេត្ត បានថ្លែងកាលពីថ្ងៃសុក្រទី០៦.១១.២០២៦ថា ចំនួនអ្នកស្លាប់ដោយសារការទម្លាក់គ្រាប់បែករបស់រុស្ស៊ី លើទីតាំងចែកចាយជំនួយមួយនៅក្នុងតំបន់ Zaporizhzhia ភាគអាគ្នេយ៍នៃប្រទេសអ៊ុយក្រែន កាលពីថ្ងៃចន្ទ បានកើនឡើងដល់ ៥៣នាក់។
សារព័ត៌មាន(Reuters)។
ហេតុការណ៍នេះក្លាយជាការវាយប្រហារមួយ ក្នុងចំណោមការវាយប្រហារដ៏សាហាវបំផុត ទៅលើជនស៊ីវិលនៅឆ្នាំនេះ។
នៅក្នុងសារមួយបង្ហោះលើកម្មវិធីផ្ញើសារ Telegram លោក Mykhailo Semikin បានឱ្យដឹងថា ប្រតិបត្តិការស្វែងរក និងជួយសង្គ្រោះនៅទីតាំងនោះ ក្នុងភូមិ Komyshuvakha បានឈានចូលដល់ថ្ងៃទី៥ហើយ។
មុននេះ សេវាសង្គ្រោះបន្ទាន់របស់អ៊ុយក្រែន បានរាយការណ៍ថា ចំនួនអ្នកស្លាប់មាន ៥០នាក់ ហើយប្រតិបត្តិការស្វែងរក និងជួយសង្គ្រោះនៅតែបន្ត ទោះបីជាជួបប្រទះនឹងលក្ខខណ្ឌលំបាកៗ និងការគំរាមកំហែងឥតឈប់ឈរពីការវាយប្រហារបន្ថែមទៀតរបស់រុស្ស៊ីក៏ដោយ៕
