កងទ័ពអង្គការណាតូជាង៦.០០០នាក់ នឹងចូលរួមក្នុងសមយុទ្ធយោធាចំនួន២ដែលដឹកនាំដោយប្រទេសអាល្លឺម៉ង់ នៅប្រទេសលីទុយអានី ចាប់ពីថ្ងៃទី៦ ខែវិច្ឆិកា ដល់ថ្ងៃទី៣ ខែធ្នូ ឆ្នាំ២០២៦។
សារព័ត៌មានAnadolu Agency។
សមយុទ្ធនេះមានការចូលរួមពីកងទ័ពអាល្លឺម៉ង់ និងប្រទេសសម្ព័ន្ធមិត្តផ្សេងទៀត រួមមាន ហូឡង់ ន័រវែស ឆែក ក្រូអាត បែលហ្ស៊ិក លុចសំបួរ និងកងទ័ពលីទុយអានី។
សមយុទ្ធនេះធ្វើឡើងនៅទីលានហ្វឹកហាត់យោធាចំនួន២ ក្នុងប្រទេសលីទុយអានី ដើម្បីពង្រឹងសមត្ថភាពប្រយុទ្ធ បង្កើនការរៀបចំផែនការយោធា និងធ្វើឱ្យកងទ័ពប្រទេសសម្ព័ន្ធមិត្តអាចសហការគ្នាបានកាន់តែប្រសើរ។
ក្នុងអំឡុងពេលសមយុទ្ធ ក៏នឹងមានការផ្លាស់ទីកងទ័ព និងសម្ភារយោធានៅទូទាំងប្រទេសលីទុយអានីផងដែរ៕
