កម្មកររាប់រយនាក់នៅប្រទេសឥណ្ឌូនេស៊ីបានប្រមូលផ្តុំគ្នា កាលពីទី៧ ខែវិច្ឆិកា ដើម្បីបង្ហាញការគាំទ្រដល់ប្រធានាធិបតី លោក Prabowo Subianto ខណៈស្ត្រីរាប់រយនាក់ផ្សេងទៀតបានដើរដង្ហែតវ៉ាប្រឆាំងនឹងគោលនយោបាយរបស់លោក។
សារព័ត៌មានReuter។
ការប្រមូលផ្តុំគាំទ្រនេះធ្វើឡើង ចំពេលមានរឿងអាស្រូវពាក់ព័ន្ធនឹងការចោទប្រកាន់ថា មន្ត្រីប៉ូលិសបានលួចស្តាប់ការទំនាក់ទំនងរបស់ប្រធានាធិបតីដោយខុសច្បាប់។ ប៉ូលិសបានកំណត់អត្តសញ្ញាណមន្ត្រីជាន់ខ្ពស់៤នាក់ជាជនសង្ស័យក្នុងករណីនេះ។
មេដឹកនាំគណបក្សការងារ លោក Said Iqbal បានអំពាវនាវឱ្យកម្មកររួបរួមគ្នាគាំទ្រលោក Prabowo និងត្រៀមប្រមូលសមាជិកសហជីព ដើម្បីការពារតំណែងប្រធានាធិបតីរបស់លោក។
ទន្ទឹមនឹងនេះ ក្រុមសង្គមស៊ីវិល និងស្ត្រីរាប់រយនាក់បានធ្វើបាតុកម្មនៅរដ្ឋធានីហ្សាការតា ដើម្បីទាមទារសិទ្ធិស្ត្រី និងរិះគន់រដ្ឋាភិបាលចំពោះការដោះស្រាយបញ្ហាភ្លើងឆេះព្រៃ កម្មវិធីផ្តល់អាហារឥតគិតថ្លៃដែលចំណាយថវិកាច្រើន និងការយកពន្ធលើផលិតផលអនាម័យស្ត្រី។
ភាពតានតឹងនយោបាយនៅឥណ្ឌូនេស៊ីកំពុងកើនឡើង ខណៈរដ្ឋាភិបាលរបស់លោក Prabowo ក៏កំពុងប្រឈមនឹងការមិនពេញចិត្តពីសាធារណជន ពាក់ព័ន្ធនឹងគោលនយោបាយចំណាយថវិកាច្រើន ការគ្រប់គ្រងបញ្ហាភ្លើងឆេះព្រៃ និងការធ្លាក់ចុះទំនុកចិត្តរបស់វិនិយោគិន។ កាលពីសប្តាហ៍មុន និស្សិតក៏បានធ្វើបាតុកម្មនៅរដ្ឋធានី និងទីក្រុងមួយចំនួនផងដែរ៕
