លោកប្រធានាធិបតី ដូណាល់ ត្រាំ បាននិយាយកាលពីថ្ងៃអាទិត្យទី០៨.១១.២០២៦ថា រូបលោកនឹងជួបជាមួយប្រធានាធិបតីចិន លោក ស៊ី ជីនពីង និងប្រធានាធិបតីរុស្ស៊ី លោក វ្ល៉ាឌីមៀ ពូទីន នៅក្នុងកិច្ចប្រជុំកំពូលមេដឹកនាំ APEC ក្នុងប្រទេសចិននាពេលសប្តាហ៍ក្រោយ ដើម្បីពិភាក្សាអំពីការបញ្ចប់សង្គ្រាមនៅអ៊ីរ៉ង់ និងការលុបបំបាត់អាវុធ”នុយក្លេអ៊ែរ”។
មុនពេលធ្វើដំណើរត្រឡប់ទៅកាន់ទីក្រុងវ៉ាស៊ីនតោនវិញពីរដ្ឋរីដា លោក ត្រាំ បានប្រាប់អ្នកសារព័ត៌មានថា រូបលោក នឹងធ្វើដំណើរទៅកាន់ប្រទេសចិនដើម្បីចូលរួមក្នុងកិច្ចប្រជុំកំពូល APEC ដែលគ្រោងនឹងធ្វើឡើងនៅថ្ងៃទី ១៨-១៩ ខែវិច្ឆិកា ក្នុងទីក្រុងសិនជិន (Shenzhen)ដែលជាមជ្ឈមណ្ឌលបច្ចេកវិទ្យានៅភាគខាងត្បូង។
លោកនិយាយថា លោកនឹងមានជំនួបមួយជាមួយប្រធានាធិបតី ពូទីន និងប្រធានាធិបតី ស៊ី ដែលនឹងក្លាយជារឿងគួរឱ្យចាប់អារម្មណ៍។
ពួកលោកនឹងពិភាក្សាលើបញ្ហាជាច្រើន រួមទាំងការលុបបំបាត់អាវុធនុយក្លេអ៊ែរផងដែរ ពួកលោកកំពុងព្យាយាមបញ្ចប់សង្គ្រាមនៅអ៊ីរ៉ង់។
គួរំលឹកថា កាលពីខែតុលា លោក ត្រាំ និយាយថា លោកបើកចំហចំពោះការចរចាត្រីភាគីស្តីពីការគ្រប់គ្រងអាវុធជាមួយលោក ស៊ី និងលោក ពូទីន ដោយបញ្ជាក់ថា ការចរចានេះនឹងផ្តោតលើការលុបបំបាត់អាវុធនុយក្លេអ៊ែរ៕
