កាលពីថ្ងៃទី៨ ខែវិច្ឆិកា ឆ្នាំ២០២៦ គ្រោះរញ្ជួយដីកម្រិត ៥,៧រ៉ិចទ័រ បានកើតឡើងនៅភាគកណ្តាលប្រទេសជប៉ុន បណ្តាលឱ្យមនុស្សយ៉ាងហោចណាស់ ២០នាក់រងរបួស នៅខេត្តអៃឈី និងខេត្តស៊ីហ្ស៊ូអូកា។ អាជ្ញាធរមិនបានចេញការព្រមានអំពីរលកយក្សស៊ូណាមិឡើយ។
សារព័ត៌មានAnadolu Agency។
តាមទីភ្នាក់ងារឧតុនិយមជប៉ុន គ្រោះរញ្ជួយដីនេះមានប្រភពនៅភាគខាងលិចខេត្តស៊ីហ្ស៊ូអូកា ក្នុងជម្រៅប្រហែល ៤០គីឡូម៉ែត្រក្រោមដី។ វាក៏ត្រូវបានចាត់ទុកថា ជាគ្រោះរញ្ជួយដីខ្លាំងបំផុតក្នុងរយៈពេលប្រហែល ៣០ឆ្នាំ ដែលបានវាយប្រហារខេត្តអៃឈី។
ហេតុការណ៍នេះបានធ្វើឱ្យអាជ្ញាធរផ្អាកសេវារថភ្លើងក្នុងតំបន់មួយចំនួន ប៉ុន្តែមិនមានភាពមិនប្រក្រតីណាមួយត្រូវបានរកឃើញនៅរោងចក្រថាមពលនុយក្លេអ៊ែរហាម៉ាអូកា ក្នុងខេត្តស៊ីហ្ស៊ូអូកាឡើយ។
ជាមួយគ្នានេះ គ្រោះរញ្ជួយដីកម្រិត ៤,៣រ៉ិចទ័រមួយទៀត ក៏បានកើតឡើងនៅខេត្តគូម៉ាម៉ូតូ ភាគនិរតីប្រទេសជប៉ុន នៅព្រឹកថ្ងៃដដែលផងដែរ។ គួរបញ្ជាក់ថា ប្រទេសជប៉ុនស្ថិតនៅលើតំបន់ចលនាបន្ទះផែនដី «Pacific Ring of Fire» ដែលធ្វើឱ្យប្រទេសនេះជួបប្រទះគ្រោះរញ្ជួយដីជាញឹកញាប់៕
