នៅថ្ងៃទី៩ ខែវិច្ឆិកា ឆ្នាំ២០២៦ ប្រទេសចិនបានសម្រេចពន្យារពេលផ្អាកការយកពន្ធ២៤%លើទំនិញនាំចូលពីសហរដ្ឋអាមេរិក និងការយកថ្លៃសេវាពិសេសលើនាវាដែលពាក់ព័ន្ធនឹងអាមេរិករយៈពេល២ខែទៀត ដើម្បីរក្សាស្ថិរភាពទំនាក់ទំនងពាណិជ្ជកម្មរវាងប្រទេសទាំងពីរ។
សារព័ត៌មានReuter។
តាមសេចក្តីប្រកាសរបស់រដ្ឋាភិបាលចិន ការផ្អាកពន្ធបន្ថែម ២៤% នឹងបន្តរយៈពេល ២ខែ ចាប់ពីថ្ងៃទី១០ ខែវិច្ឆិកា ឆ្នាំ២០២៦ ប៉ុន្តែពន្ធ ១០% នៅតែបន្តអនុវត្តដដែល។ ចំណែកការផ្អាកយកថ្លៃសេវាកំពង់ផែពិសេសលើនាវាដែលពាក់ព័ន្ធនឹងអាមេរិក នឹងបន្តរហូតដល់ថ្ងៃទី១០ ខែមករា ឆ្នាំ២០២៧។
ការសម្រេចនេះធ្វើឡើងបន្ទាប់ពីកិច្ចប្រជុំរវាងមេដឹកនាំចិន និងអាមេរិកនៅទីក្រុងវ៉ាស៊ីនតោន កាលពីខែកញ្ញា ដែលភាគីទាំងពីរបានពិភាក្សាអំពីផែនការកាត់បន្ថយពន្ធទៅវិញទៅមក ដែលមានទំហំទឹកប្រាក់ប្រមាណ ៦០ពាន់លានដុល្លារ។
ប្រទេសចិនបានបញ្ជាក់ថា ការបន្តផ្អាកពន្ធនេះមានគោលបំណងអនុវត្តតាមកិច្ចព្រមព្រៀង និងការយោគយល់គ្នារវាងមេដឹកនាំទាំងពីរ ព្រមទាំងជួយរក្សាបរិយាកាសពាណិជ្ជកម្មឱ្យមានស្ថិរភាព និងអាចព្យាករណ៍បាន៕
