ប្រធានាធិបតីសហរដ្ឋអាមេរិក លោក ដូណាល់ ត្រាំ បានជំរុញនាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ ឱ្យចាប់ផ្តើមអនុវត្តផែនការសន្តិភាពនៅតំបន់ហ្គាហ្សា បន្ទាប់ពីការបោះឆ្នោតសភាអ៊ីស្រាអែលកាលពីថ្ងៃទី២៧ ខែតុលា ឆ្នាំ២០២៦។
សារព័ត៌មានAnadolu Agency។
យោងតាមសារព័ត៌មានអ៊ីស្រាអែល Channel 12 លោក ត្រាំ បានលើកឡើងពីបញ្ហានេះក្នុងការសន្ទនាតាមទូរស័ព្ទជាមួយលោក នេតាន់យ៉ាហ៊ូ កាលពីថ្ងៃព្រហស្បតិ៍។ ផែនការនេះរួមមានការផ្ទេរការគ្រប់គ្រងតំបន់ហ្គាហ្សាទៅឱ្យគណៈកម្មាធិការបច្ចេកទេសប៉ាឡេស្ទីន ការដាក់អាវុធក្រោមការត្រួតពិនិត្យអន្តរជាតិ ការដកទ័ពអ៊ីស្រាអែលជាដំណាក់កាល និងការស្តារតំបន់ហ្គាហ្សាឡើងវិញ។
មន្ត្រីអាមេរិកម្នាក់បានបញ្ជាក់ថា ការស្តារតំបន់ហ្គាហ្សាឡើងវិញនឹងមិនចាប់ផ្តើមទេ ប្រសិនបើមិនមានការរីកចម្រើនលើការរំសាយអាវុធរបស់ក្រុមហាម៉ាស់។ ដំណើរការនេះនឹងធ្វើឡើងជាបណ្តើរៗ និងមានការត្រួតពិនិត្យច្បាស់លាស់។
គួរបញ្ជាក់ថា ចាប់តាំងពីខែតុលា ឆ្នាំ២០២៣ មក ការវាយប្រហាររបស់អ៊ីស្រាអែលលើតំបន់ហ្គាហ្សាបានបណ្តាលឱ្យមនុស្សជាង ៧៤.០០០នាក់ស្លាប់ និងជាង ១៧៥.០០០នាក់រងរបួស ព្រមទាំងបង្កការបំផ្លិចបំផ្លាញយ៉ាងធ្ងន់ធ្ងរនៅទូទាំងតំបន់៕
