អាជ្ញាធរក្រិកបានឱ្យដឹងកាលពីថ្ងៃចន្ទ ទី៩ ខែវិច្ឆិកា ឆ្នាំ២០២៦ ថាជនចំណាកស្រុកយ៉ាងតិច២១នាក់បានស្លាប់ និង២៣៣នាក់ផ្សេងទៀតត្រូវបានជួយសង្គ្រោះក្នុងប្រតិបត្តិការចំនួន៣ផ្សេងគ្នា នៅតំបន់ឆ្នេរភាគខាងត្បូងនៃកោះក្រេតរបស់ប្រទេសក្រិក។
សារព័ត៌មានAnadolu Agency។
ក្នុងហេតុការណ៍ធ្ងន់ធ្ងរបំផុត នាវាដឹកទំនិញមួយគ្រឿងបានប្រទះឃើញទូកដឹកជនចំណាកស្រុកនៅចម្ងាយប្រមាណ ២៨គីឡូម៉ែត្រពីកោះក្រេត។ ក្រុមឆ្មាំសមុទ្រក្រិកបានជួយសង្គ្រោះមនុស្ស ១៨នាក់ និងរកឃើញសាកសពមនុស្ស ១២នាក់។
ក្នុងប្រតិបត្តិការពីរផ្សេងទៀត អាជ្ញាធរបានរកឃើញទូកដឹកជនចំណាកស្រុកចំនួន ២គ្រឿង ដែលមានមនុស្ស ៤៧នាក់ និង ៤០នាក់នៅលើទូក។ ការស្វែងរក និងជួយសង្គ្រោះមានការចូលរួមពីយន្តហោះ និងយន្តហោះគ្មានមនុស្សបើករបស់ទីភ្នាក់ងារព្រំដែនអឺរ៉ុប Frontex។
ជាមួយគ្នានេះ ជនជាតិស៊ូដង់ចំនួន ២នាក់ ត្រូវបានចាប់ខ្លួន ដោយសង្ស័យថាជាអ្នកជួញដូរមនុស្ស និងជួយសម្រួលដល់ការចូលប្រទេសដោយខុសច្បាប់។
ឧបទ្ទវហេតុទាំងនេះបង្ហាញពីគ្រោះថ្នាក់ដែលជនចំណាកស្រុកប្រឈមមុខក្នុងការធ្វើដំណើរតាមសមុទ្រ ដើម្បីស្វែងរកទីជម្រក និងជីវភាពរស់នៅថ្មី៕
