ក្រុមហ៊ុនផលិតសម្លៀកបំពាក់នៅប្រទេសឥណ្ឌា កំពុងស្វែងរកទីផ្សារនាំចេញថ្មីៗ ដើម្បីកាត់បន្ថយការពឹងផ្អែកលើទីផ្សារសហរដ្ឋអាមេរិក បន្ទាប់ពីរងផលប៉ះពាល់ពីការដំឡើងពន្ធនាំចូលរបស់អាមេរិករហូតដល់ ៥០% កាលពីឆ្នាំមុន។
សារព័ត៌មានReuter នៅថ្ងៃទី១១ ខែវិច្ឆិក។
ក្រុមហ៊ុន Orient Craft ដែលធ្លាប់នាំចេញសម្លៀកបំពាក់ភាគច្រើនទៅអាមេរិក បានកាត់បន្ថយការនាំចេញទៅទីផ្សារនេះ ហើយងាកទៅផ្គត់ផ្គង់ដល់ចក្រភពអង់គ្លេស និងទីផ្សារអឺរ៉ុបវិញ។
លោក Sudhir Dhingra ស្ថាបនិកក្រុមហ៊ុន Orient Craft បានលើកឡើងថា ទោះបីអាមេរិក និងឥណ្ឌាអាចសម្រេចកិច្ចព្រមព្រៀងពាណិជ្ជកម្មក៏ដោយ ក៏ក្រុមហ៊ុនមិនអាចធានាថាកិច្ចព្រមព្រៀងនោះនឹងមានស្ថិរភាពជានិច្ចនោះទេ។
យោងតាមទិន្នន័យ ការនាំចេញសម្លៀកបំពាក់របស់ឥណ្ឌាទៅអាមេរិក ក្នុងអំឡុងខែមេសា ដល់ខែសីហា ឆ្នាំ២០២៦ បានធ្លាក់ចុះជិត ១០% បើធៀបនឹងរយៈពេលដូចគ្នាកាលពីឆ្នាំមុន។
បច្ចុប្បន្ន ក្រុមហ៊ុនឥណ្ឌាកំពុងស្វែងរកការបញ្ជាទិញពីចក្រភពអង់គ្លេស និងសហភាពអឺរ៉ុប ព្រមទាំងទទួលបានការគាំទ្រពីរដ្ឋាភិបាលតាមរយៈការឧបត្ថម្ភធន ដើម្បីជួយដល់អាជីវកម្ម និងរក្សាការងារជូនប្រជាជន។
ការផ្លាស់ប្តូរនេះអាចជួយឱ្យឥណ្ឌាកាត់បន្ថយហានិភ័យពីការពឹងផ្អែកលើទីផ្សារតែមួយ និងពង្រឹងជំហររបស់ខ្លួនក្នុងការចរចាពាណិជ្ជកម្មជាមួយសហរដ្ឋអាមេរិក៕
