(ព្រៃវែង)៖ លោក សួន សុម៉ាលីន អភិបាលខេត្តព្រៃវែង នៅរសៀលថ្ងៃទី១១ ខែវិច្ឆិកា ឆ្នាំ២០២៦ បានដឹកនាំមន្ត្រីក្រោមឱវាទ អញ្ជើញចូលរួមពិធីបុណ្យសព និងគោរពវិញ្ញាណក្ខន្ធសពសិស្សានុសិស្ស ដែលបានជួបឧបទ្ទវហេតុគ្រោះថ្នាក់ចរាចរណ៍បណ្តាលឱ្យបាត់បង់អាយុជីវិត ចំនួន ០៥នាក់ កាលពីថ្ងៃទី១០ ខែវិច្ឆិកា ឆ្នាំ២០២៦។
ពិធីបុណ្យសពទាំងនោះរួមមាន៖
១- ឈ្មោះ សៀង សុផាវត្តី ភេទស្រី អាយុ១៤ រស់នៅភូមិចុងក្រូច ឃុំរាប ស្រុកពារាំង ខេត្តព្រៃវែង។
២- ឈ្មោះ ឡេង យូលី ភេសស្រី រស់នៅភូមិពហ៊ា ឃុំ កំពង់ អំពិល ស្រុក ពារាំង ខេត្តព្រៃវែង។
៣- ឈ្មោះ សីហា សួស្តី ភេទស្រី អាយុ១៤ ឆ្នាំ រស់នៅភូមិតាំងរលាង ឃុំកំពុងពពិល ស្រុកពារាំង ខេត្តព្រៃវែង។
៤- ឈ្មោះ លី នីតា ភេទស្រី អាយុ១៣ ឆ្នាំ រស់នៅភូមិកំពុងពពិល ឃុំកំពុងពពិល ស្រុកពារាំង ខេត្តព្រៃវែង។
៥- ឈ្មោះ ឃាង ឈីងឈីង ភេសស្រី អាយុ ១២ រស់នៅភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង។
ក្នុងបរិយាកាសដ៏សែនរន្ធត់ក្រៀមក្រំសោកសៅនេះ លោក សួន សុម៉ាលីន ព្រមទាំងថ្នាក់ដឹកនាំខេត្ត បានសំដែងនូវសមានទុក្ខ និងការសោកស្តាយឥតឧបមា សូមធ្វើគារវកិច្ចដោយក្តីក្រៀមក្រំបំផុតចំពោះដួងវិញ្ញាណក្ខន្ធរបស់ក្មួយៗ សូមបានទៅសោយសុខក្នុងសុគតិភពកុំបីឃ្លៀងឃ្លាតឡើយ៕
