អាជ្ញាធរអ៊ីស្រាអែលបានចេញបញ្ជាឱ្យដកដើមអាល់ម៉ុន និងរុក្ខជាតិព្រៃចេញពីដីកសិកម្មទំហំប្រមាណ ៣៧,៨ ហិកតា នៅតំបន់ឌូរ៉ា និងតារគូមីយ៉ា ក្នុងទីក្រុងហេប្រុន នៃតំបន់វេសប៊ែងដែលកាន់កាប់ដោយអ៊ីស្រាអែល។
សារព័ត៌មានAnadolu Agency នៅថ្ងៃទី១៣ខែវិច្ឆិកា។
យោងតាមគណៈកម្មការប្រឆាំងជញ្ជាំង និងការតាំងទីលំនៅរបស់ប៉ាឡេស្ទីន បញ្ជានេះត្រូវបានចុះហត្ថលេខាដោយមេបញ្ជាការកងកម្លាំងអ៊ីស្រាអែល កាលពីថ្ងៃទី២៨ ខែតុលា ឆ្នាំ២០២៦។ ម្ចាស់ដីត្រូវដកដើមឈើ និងរុក្ខជាតិចេញក្នុងរយៈពេល ៧ថ្ងៃ បន្ទាប់ពីមានការត្រួតពិនិត្យនៅទីតាំង។
គណៈកម្មការនេះបានព្រមានថា ការអនុវត្តបញ្ជានេះនឹងប៉ះពាល់យ៉ាងខ្លាំងដល់វិស័យកសិកម្ម បរិស្ថាន និងជីវភាពរស់នៅរបស់កសិករប៉ាឡេស្ទីន ព្រមទាំងធ្វើឱ្យដីបាត់បង់តម្លៃផលិតកម្មកសិកម្ម និងធនធានធម្មជាតិ។
ទោះបីបញ្ជាយោធានេះមិនបានកំណត់ឱ្យផ្ទេរកម្មសិទ្ធិដីធ្លីក៏ដោយ ក៏ភាគីប៉ាឡេស្ទីនយល់ថា វាអាចបំផ្លាញមុខរបរកសិកម្ម និងប៉ះពាល់ដល់សិទ្ធិរបស់ប្រជាពលរដ្ឋក្នុងការប្រើប្រាស់ដីធ្លីរបស់ខ្លួន៕
