មនុស្សយ៉ាងហោចណាស់៨នាក់ បានស្លាប់ដោយសារហេតុការណ៍បាក់រលំអគារស្នាក់មួយកន្លែង នៅតំបន់ប៊្រុគ្លីន (Brooklyn) នៃទីក្រុងញូវយ៉ករបស់សហរដ្ឋអាមេរិក កាលពីរសៀលថ្ងៃពុធ ទី១១ ខែវិច្ឆិកា ឆ្នាំ២០២៦។
សារព័ត៌មានReuter។
ក្រុមសង្គ្រោះប្រមាណ ២៥០នាក់ បានចូលរួមក្នុងប្រតិបត្តិការស្វែងរក និងជួយសង្គ្រោះជនរងគ្រោះក្រោមគំនរបាក់បែក ទោះបីមានភ្លៀងធ្លាក់ខ្លាំងក៏ដោយ។ ក្នុងចំណោមអ្នកស្លាប់ទាំង ៨នាក់ មានមនុស្សពេញវ័យ ៦នាក់ រួមទាំងកម្មករសំណង់ ២នាក់ និងកុមារ ២នាក់។ ក្រុមពន្លត់អគ្គិភ័យបានបញ្ចប់ប្រតិបត្តិការសង្គ្រោះកាលពីរសៀលថ្ងៃព្រហស្បតិ៍។
ក្រោយហេតុការណ៍នេះ អភិបាលក្រុងញូវយ៉ក លោក ហ្សូរ៉ាន ម៉ាមដានី បានបញ្ជាឱ្យពង្រីកការស៊ើបអង្កេតលើក្រុមហ៊ុនចំនួន៥ ដែលពាក់ព័ន្ធនឹងការដ្ឋានសំណង់នៅជាប់អគារដែលបានបាក់រលំ ព្រមទាំងការដ្ឋានសំណង់ចំនួន ១០០កន្លែងផ្សេងទៀត ដែលមានទំនាក់ទំនងជាមួយក្រុមហ៊ុនទាំងនោះ។
តាមកំណត់ត្រាផ្លូវការ ការដ្ឋានសំណង់នៅក្បែរនោះបានចាប់ផ្តើមជីកកកាយដីតាំងពីដើមឆ្នាំ២០២៦ ហើយក៏មានការបំផ្ទុះថ្មផងដែរ។ អាជ្ញាធរកំពុងស៊ើបអង្កេត ដើម្បីរកមូលហេតុពិតប្រាកដនៃការបាក់រលំ និងពិនិត្យថាតើការងារសំណង់នៅក្បែរនោះមានជាប់ពាក់ព័ន្ធនឹងគ្រោះថ្នាក់នេះដែរឬទេ៕
