កាលពីថ្ងៃទី១៣ ខែវិច្ឆិកា ឆ្នាំ២០២៦ នាវាដឹកប្រេងមួយគ្រឿងបានបុកនាវាទេសចរណ៍ដឹកអ្នកដំណើររបស់ក្រុមហ៊ុន American Cruise Lines ដែលចតនៅទន្លេមីស៊ីស៊ីពី ក្នុងទីក្រុងញូវអរលីនស៍ កាលពីថ្ងៃទី១៣ ខែវិច្ឆិកា ឆ្នាំ២០២៦ បណ្ដាលឱ្យអ្នកដំណើរមួយចំនួនធ្លាក់ចូលក្នុងទឹក។
សារព័ត៌មានCNA។
យោងតាមសារព័ត៌មានក្នុងតំបន់ មានអ្នកដំណើរចំនួន ១២៩នាក់ នៅលើនាវាទេសចរណ៍ឈ្មោះ American Heritage នៅពេលកើតហេតុ។ ក្រោយការបុកគ្នា ក្រុមជួយសង្គ្រោះបានជួយអ្នកដំណើរយ៉ាងហោចណាស់ ១៤នាក់ចេញពីទឹក ខណៈប្រតិបត្តិការស្វែងរក និងជួយសង្គ្រោះអ្នកបាត់ខ្លួននៅតែបន្ត។
អភិបាលក្រុងញូវអរលីនស៍បានបញ្ជាក់ថា មនុស្សមួយចំនួនត្រូវបានជួយសង្គ្រោះរួចហើយ។ ចំណែកក្រសួងសន្តិសុខមាតុភូមិអាមេរិកបានសហការជាមួយអាជ្ញាធររដ្ឋ ដើម្បីប្រើប្រាស់កម្លាំង និងមធ្យោបាយទាំងអស់ក្នុងការស្វែងរកអ្នកបាត់ខ្លួន។
ឆ្មាំសមុទ្រអាមេរិកក៏បានចូលរួមក្នុងប្រតិបត្តិការជួយសង្គ្រោះ និងបានបិទចរាចរណ៍នាវានៅតំបន់កើតហេតុផងដែរ។ រហូតមកដល់ពេលរាយការណ៍ មិនទាន់មានការបញ្ជាក់អំពីចំនួនអ្នកស្លាប់ ឬរបួសនៅឡើយទេ៕
