កាលពីយប់ថ្ងៃសុក្រ ទី១៣ ខែវិច្ឆិកា ឆ្នាំ២០២៦ រដ្ឋបាលអាកាសចរណ៍សហព័ន្ធអាមេរិក (FAA) បានប្រកាសអនុញ្ញាតឱ្យជើងហោះហើរទាំងអស់អាចចាប់ផ្ដើមហោះឡើងវិញ បន្ទាប់ពីបានផ្អាកជើងហោះហើរទូទាំងប្រទេស ដោយសារបញ្ហាប្រព័ន្ធទំនាក់ទំនងនៅមជ្ឈមណ្ឌលគ្រប់គ្រងចរាចរណ៍ផ្លូវអាកាសតាមតំបន់។
សារព័ត៌មានAp។
ការផ្អាកនេះបានបណ្ដាលឱ្យជើងហោះហើររាប់រយត្រូវបង្វែរទិសដៅ និងរំខានដល់ផែនការធ្វើដំណើររបស់អ្នកដំណើររាប់ពាន់នាក់។ អាជ្ញាធរបានពន្យល់ថា បញ្ហានេះអាចបណ្ដាលមកពីការដាក់បញ្ចូលបច្ចេកវិទ្យាថ្មីទៅក្នុងប្រព័ន្ធគ្រប់គ្រងចរាចរណ៍ផ្លូវអាកាសចាស់ ដែលធ្វើឱ្យប្រព័ន្ធដំណើរការលើសសមត្ថភាព។
ទោះបី FAA បានដកបម្រាមផ្អាកជើងហោះហើរហើយក៏ដោយ ក្រុមហ៊ុនអាកាសចរណ៍មិនអាចត្រឡប់ទៅដំណើរការធម្មតាភ្លាមៗបានទេ ដោយសារយន្តហោះ និងបុគ្គលិកជាច្រើនស្ថិតនៅទីតាំងខុសពីកាលវិភាគដើម។
នេះជាលើកទីមួយចាប់តាំងពីខែមករា ឆ្នាំ២០២៣ ដែលអាមេរិកបានផ្អាកជើងហោះហើរទូទាំងប្រទេស ដោយសារបញ្ហាបច្ចេកទេសប្រព័ន្ធអាកាសចរណ៍។ អាជ្ញាធរក៏បានបញ្ជាក់ថា មិនទាន់មានភស្តុតាងបង្ហាញថា បញ្ហានេះពាក់ព័ន្ធនឹងការវាយប្រហារតាមប្រព័ន្ធអ៊ីនធឺណិតឡើយ។
ចំណែកជើងហោះហើរអន្តរជាតិ ត្រូវបានពិនិត្យ និងអនុញ្ញាតជាករណីៗទៅតាមស្ថានភាពជាក់ស្ដែង៕
