អ៊ីស្តង់ប៊ុល៖ ប្រទេសតួកគីបានប្រារព្ធខួបលើកទី៤៣ នៃការបង្កើតសាធារណរដ្ឋទួរគីស៊ីបខាងជើង (TRNC) កាលពីថ្ងៃទី១៥ ខែវិច្ឆិកា ឆ្នាំ២០២៦ ដោយបញ្ជាក់ជាថ្មីពីការគាំទ្ររបស់ខ្លួនចំពោះប្រជាជនទួរគីស៊ីប និងសិទ្ធិអធិបតេយ្យភាពរបស់ពួកគេ។
សារព័ត៌មានAnadolu Agency។
ប្រធានាធិបតីតួកគី លោក រ៉េសេប តាយីប អឺដូហ្គែន បានផ្ញើសារអបអរសាទរយ៉ាងកក់ក្តៅដល់ប្រជាជនទួរគីស៊ីប ក្នុងឱកាសខួបនេះ ព្រមទាំងរំលឹកដល់យុទ្ធជនដែលបានពលីជីវិត និងសម្តែងការដឹងគុណចំពោះអតីតយុទ្ធជន។ លោកបានបញ្ជាក់ថា តួកគីនឹងមិនបោះបង់កោះស៊ីបក្រោមកាលៈទេសៈណាមួយឡើយ។
ក្រសួងការបរទេស និងក្រសួងការពារជាតិតួកគីក៏បានបញ្ជាក់ពីការបន្តគាំទ្រដល់ប្រជាជនទួរគីស៊ីប ដើម្បីឱ្យពួកគេអាចរស់នៅដោយសេរី និងមានសុវត្ថិភាពក្នុងទឹកដីរបស់ខ្លួន។ តួកគីក៏បានរំលឹកដល់អតីតមេដឹកនាំសំខាន់ៗពីររូប គឺលោក ហ្វាហ្ស៊ីល គូជុក និងលោក រ៉ូហ្វ រ៉ៃហ្វ ដេនកតាស ដែលបានចូលរួមចំណែកក្នុងការតស៊ូរបស់ប្រជាជនទួរគីស៊ីប។
គួរបញ្ជាក់ថា សាធារណរដ្ឋទួរគីស៊ីបខាងជើងបានប្រកាសឯករាជ្យនៅថ្ងៃទី១៥ ខែវិច្ឆិកា ឆ្នាំ១៩៨៣ ប៉ុន្តែរហូតមកដល់បច្ចុប្បន្ន ប្រទេសនេះត្រូវបានទទួលស្គាល់ជារដ្ឋឯករាជ្យតែដោយប្រទេសតួកគីប៉ុណ្ណោះ៕
