ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី (Volodymyr Zelenskyy) បានប្រកាសកាលពីថ្ងៃទី១៦ ខែវិច្ឆិកា ឆ្នាំ២០២៦ ថា បណ្តាប្រទេសអឺរ៉ុបបានចូលរួមក្នុងក្រុមចរចាស្វែងរកដំណោះស្រាយបញ្ចប់សង្គ្រាមរវាងអ៊ុយក្រែននិងរុស្ស៊ីជាលើកដំបូង។
សារព័ត៌មានAnadolu Agency។
លោកបានឱ្យដឹងថា ក្រុមចរចារបស់អ៊ុយក្រែន សហរដ្ឋអាមេរិក និងអឺរ៉ុប បានបើកកិច្ចពិភាក្សារួមគ្នាជាថ្មី ដោយមានបេសកជនអាមេរិក លោក Steve Witkoff និងលោក Jared Kushner ចូលរួមតាមប្រព័ន្ធអនឡាញផងដែរ។
លោក ហ្សេឡេនស្គី បានបញ្ជាក់ថា ភាគីទាំងអស់បានព្រមព្រៀងរៀបចំកិច្ចប្រជុំបន្តនៅទីក្រុងប៊ែរឡាំង ប្រទេសអាល្លឺម៉ង់ ក្រោមក្របខណ្ឌនៃក្រុមចម្រុះនៃបណ្តាប្រទេសដែលគាំទ្រអ៊ុយក្រែន ដើម្បីរៀបចំវិធានការរួមជាក់លាក់សម្រាប់ដំណើរការការទូត។
ជាលើកដំបូង អឺរ៉ុបបានបញ្ជូនតំណាងពេញលេញដែលរំពឹងថានឹងចូលរួមក្នុងការចរចាជាមួយរុស្ស៊ី រួមមានប្រទេសបារាំង អាល្លឺម៉ង់ ចក្រភពអង់គ្លេស អ៊ីតាលី និងប៉ូឡូញ ព្រមទាំងតំណាងសហភាពអឺរ៉ុប និងអង្គការណាតូ។
ទោះជាយ៉ាងណា លោក ហ្សេឡេនស្គី មិនទាន់បញ្ជាក់ពីកាលបរិច្ឆេទនៃកិច្ចប្រជុំនៅទីក្រុងប៊ែរឡាំង ឬបង្ហាញព័ត៌មានលម្អិតអំពីសំណើដែលបានពិភាក្សាគ្នានៅឡើយទេ។
ការចូលរួមរបស់អឺរ៉ុបក្នុងដំណើរការចរចានេះ ត្រូវបានចាត់ទុកថាជាជំហានថ្មីមួយក្នុងកិច្ចខិតខំប្រឹងប្រែងការទូត ដើម្បីស្វែងរកដំណោះស្រាយ និងបញ្ចប់សង្គ្រាមនៅអ៊ុយក្រែន៕

