ធ្លាយថាលោកមេឃុំព្រាល ស្រុកកញ្ជ្រៀច កំណត់យកលុយពីឈ្មួញដីបានសម្រេច២០.០០០ដុល្លារ ជាថ្នូរនឹងស៊ីញេផ្ទេរកម្មសិទ្ធិដីធ្លី!

(ព្រៃវែង)៖ ពាណិជ្ជករអះអាងថា លោក សុត សម្បត្តិ មេឃុំព្រាល បានទាមទារប្រាក់ពីខ្លួនជាបន្តបន្ទាប់សរុបជាង២០.០០០ដុល្លារ ជាថ្នូរនឹងចុះហត្ថលេខា ផ្ទេរកម្មសិទ្ធិដីធ្លីជាង២០០ហិកតា ក្នុងឃុំព្រាល ស្រុកកញ្ជ្រៀច ខេត្តព្រៃវែង!។
ជាមួយគ្នានោះ ខ្លួនក៏បានប្រគល់លុយចំនួន១៦.០០០ដុល្លារ ឱ្យលោក សុត សម្បត្តិ ត្រង់ចំណុចអាហារដ្ឋាន១កន្លែង ក្នុងស្រុកកំចាយមារ ខេត្តព្រៃវែង កាលពីថ្ងៃទី១៩.១២.២០២០។
*ករណីនេះលោកមេឃុំថ្លែងថា លុយទាំងនោះ.ជាថ្លៃសម្របសម្រួលជាមួយពលរដ្ឋ.!។

*ទាក់ទិនរឿងនេះ ពាណិជ្ជករបានប្រាប់”ដើមរាំង”ថា ខ្លួនជាអ្នករកស៊ីផ្នែកអចលនទ្រព្យទិញលក់ដីធ្លី.ហេតុនេះបញ្ហាក៏ជួបច្រើនដែរ..!!។
ប៉ុន្តែថ្មីៗនេះខ្លួនបានហួសចិត្តទៅនិងលោក សុត សម្បត្តិ មេឃុំព្រាល ដែលមានចេតនាគេចវេះចង់គាបស៊ីលុយធំ.!។
ដោយមិនព្រមស៊ីញេ.លើឯកសារដីរបស់ខ្លួន តាមការស្នើសុំ ទើបឈានដល់រំលើកបើកកកាយ នូវអំពើពុករលួយរបស់លោក សុត សម្បត្តិ តែម្ដងទៅ.!។

*ពាណិជ្ជករបន្តថា កាលពីអំឡុងឆ្នាំ២០១៩.និង២០២០ ខ្លួនបានប្រមូលទិញដីពីប្រជាពលរដ្ឋ ក្នុងឃុំព្រាល ប្រមាណជាង២០០ហិកតា..!។
ក្នុងនោះ នៅពេលផ្ទេរកម្មសិទ្ធិ ស្រាប់តែលោក សុត សម្បត្តិ មេឃុំព្រាល បានទារប្រាក់ពីខ្លួនជាបន្តបន្ទាប់ សរុបជាង២០.០០០ដុល្លារ.ទើបព្រមចុះហត្ថលេខា លើលិខិតទិញលក់ដីផ្ដាច់.!។

ពោលគឺ ក្រុមហ៊ុនខ្លួន ក៏បានចំណាយថ្លៃសេវាផ្សេងៗជាច្រើន ជាក់ស្ដែង ប្រគល់ឱ្យលោក សុត សម្បត្តិ ថ្លៃស៊ីញេ.អស់ចំនួន១៦.០០០ដុល្លារ ហុចផ្ទាល់ដៃ កាលពីថ្ងៃទី១៩.១២.២០២០!។

*ពាណិជ្ជករបញ្ជាក់ប្រាប់”ដើមរាំង”ទៀតថា លុយដែលខ្លួនប្រគល់ឱ្យលោក សុត សម្បត្តិ ជាបន្តបន្ទាប់អស់ជាង២០.០០០ដុល្លារនោះ!។
ពុំមែនជាលុយថ្លៃលោកមេឃុំ សម្របសម្រួលអ្វីនោះទេ ព្រោះដីគ្មានទំនាស់ ហើយលោកមេឃុំ ក៏ពុំមែនជាអ្នកគួកជេរដីអ្វីដែរ.ហើយខ្លួនគ្មានហេតុផលណាមួយ ដែលត្រូវជួលលោកមេឃុំឱ្យទៅសម្រួល.ជាថ្នូរនឹងលុយជាង២០.០០០ដុល្លារនោះឡើយ.ផ្ទុយទៅវិញជាលុយទារថ្លៃស៊ីញេ..!!។

*ដើម្បីឱ្យមានចម្លើយទាំងសងខាងនៅថ្ងៃទី១៨.១១.២០២៦”ដើមរាំង”បានសុំការបំភ្លឺពីលោក សុត សម្បត្តិ មេឃុំព្រាល

ដោយលោកថ្លែងទទួលស្គាល់ថា ខ្លួនពិតជាបានទទួលប្រាក់ពីពាណិជ្ជករប្រាកដមែន.គ្រាន់តែមិនចាំចំនួន..!!។
ប៉ុន្តែលោកមេឃុំ បដិសេធថា លុយទាំងនោះ ពុំមែនជាថ្លៃស៊ីញេផ្ទេរកម្មសិទ្ធិនោះទេ! គឺជាថ្លៃសម្របសម្រួលជាមួយពលរដ្ឋ.!!។

*រីឯលោក សឿង សុជាតិ អភិបាលស្រុកកញ្ជ្រៀច ទូរស័ព្ទចូលហើយលោកចុចបិទ.រួចក៏ដាក់ឱ្យជាប់រវល់.!។

*ចំណែកលោក អន ភារៈ អភិបាលរងខេត្ត និងជាអ្នកនាំពាក្យរដ្ឋបាលខេត្តព្រៃវែង បានថ្លែងប្រាប់”ដើមរាំង”ថា ចាំមើលលោកស្រាវជ្រាវសិន.ព្រោះយូរដែរហើយ!។

*ទោះជាយ៉ាងណាក្ដី ពាណិជ្ជករស្នើសុំយ៉ាងទទូចដល់ឯកឧត្តម សួន សុម៉ាលីន អភិបាលខេត្តព្រៃវែង ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ជាពិសេសសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មេត្តាពិនិត្យចាត់វិធានការវះកាត់ លើលោក សុត សម្បត្តិ មេឃុំព្រាល កុំមានការយោគយល់ឱ្យសោះ!។

ដោយពាណិជ្ជករលើកឡើងថា លោកមេឃុំរូបនេះ បានធ្វើទុក្ខបុកម្នេញ.សំឡុត.បំភ័យមេភូមិមួយចំនួន មិនឱ្យស៊ីញេដី ទាល់់តែមានការអនុញ្ញាតពីខ្លួន ដើម្បីគាបស៊ីលុយធំ និងប្រព្រឹត្តអំពើពុកលួយធ្ងន់ធ្ងរ ប៉ះពាល់សតិអារម្មណ៍អ្នកវិនិយោគ និងគោលនយោបាយរាជរដ្ឋាភិបាល៕

Leave a Reply

Your email address will not be published. Required fields are marked *

Exit mobile version