ហាម៉ាសថ្កោលទោសការបើកប្រតិបត្តិការយោធារបស់អ៊ីស្រាអែលនៅហ្គាហ្សា!

ចលនាហាម៉ាសនៅប៉ាឡេស្ទីន បានថ្កោលទោសការបើកប្រតិបត្តិការយោធារបស់អ៊ីស្រាអែលនៅតំបន់កណ្តាលហ្គាហ្សា កាលពីថ្ងៃទី១៨ ខែវិច្ឆិកា ឆ្នាំ២០២៦ ដោយចាត់ទុកថា ជាការរំលោភយ៉ាងធ្ងន់ធ្ងរលើកិច្ចព្រមព្រៀងបទឈប់បាញ់ និងបានអំពាវនាវឱ្យប្រទេសដែលជាអ្នកសម្របសម្រួលចូលអន្តរាគមន៍ជាបន្ទាន់។

សារព័ត៌មានAnadolu Agency។

ហាម៉ាសបានឱ្យដឹងថា រថយន្តយោធាអ៊ីស្រាអែលបានឆ្ពោះទៅតំបន់ខាងលិចនៃខ្សែបន្ទាត់លឿង (Yellow Line) និងបានបង្ខំឱ្យប្រជាជនដែលរស់នៅភាគឦសានជំរំជនភៀសខ្លួន Nuseirat ចាកចេញពីផ្ទះសម្បែង ក្រោមការគំរាមកំហែង។

ក្រុមនេះបានចាត់ទុកការបង្ខំឱ្យប្រជាជនរាប់ពាន់នាក់ភៀសខ្លួនចេញពីលំនៅឋាន ជាការរំលោភច្បាប់មនុស្សធម៌អន្តរជាតិ និងបានព្រមានថា សកម្មភាពយោធានេះនឹងធ្វើឱ្យវិបត្តិមនុស្សធម៌របស់ប្រជាជនប៉ាឡេស្ទីនជាង២លាននាក់កាន់តែធ្ងន់ធ្ងរ។

ហាម៉ាសក៏បានចោទប្រកាន់រដ្ឋាភិបាលអ៊ីស្រាអែល និងរដ្ឋបាលសហរដ្ឋអាមេរិកថា ត្រូវទទួលខុសត្រូវចំពោះផលវិបាកដែលកើតឡើងពីប្រតិបត្តិការយោធានេះផងដែរ។

គួរបញ្ជាក់ថា កាលពីថ្ងៃពុធ ការវាយលុកតាមជើងគោករបស់កងទ័ពអ៊ីស្រាអែលនៅហ្គាហ្សា បានបណ្តាលឱ្យប្រជាជនប៉ាឡេស្ទីនម្នាក់ស្លាប់ និងមនុស្សជាច្រើននាក់ទៀតរងរបួស។ នេះជាប្រតិបត្តិការយោធាទ្រង់ទ្រាយធំលើកដំបូង ដែលអ៊ីស្រាអែលបានប្រកាសជាសាធារណៈ ចាប់តាំងពីបទឈប់បាញ់ចូលជាធរមាននៅថ្ងៃទី១០ ខែតុលា ឆ្នាំ២០២៥៕

Leave a Reply

Your email address will not be published. Required fields are marked *

Exit mobile version