បក្សប្រឆាំងអ៊ីស្រាអែល ចាត់ទុកការដកលោកយ៉ាហ៊ូចេញពីតំណែងជាអាទិភាពចម្បង!

កាលពីថ្ងៃទី១៨ ខែវិច្ឆិកា បក្សប្រឆាំងអ៊ីស្រាអែល បានប្រកាសថា ការដកតំណែងលោក Benjamin Netanyahu ពីតំណែងនាយករដ្ឋមន្ត្រី គឺជាអាទិភាពចម្បងបំផុត ខណៈកំពុងបន្តចរចាបង្កើតរដ្ឋាភិបាលថ្មី។
សារព័ត៌មានAnadolu Agency។

លោក Gadi Eisenkot ដែលទទួលភារកិច្ចបង្កើតរដ្ឋាភិបាលថ្មី បានជួបពិភាក្សាជាមួយមេដឹកនាំបក្សផ្សេងៗ រួមមានលោក Yair Golan, Naftali Bennett, Avigdor Lieberman និង Yair Lapid ដើម្បីពន្លឿនការចរចាបង្កើតរដ្ឋាភិបាល។
មេដឹកនាំទាំងនេះបានឯកភាពគ្នាបង្កើតរដ្ឋាភិបាលសង្គ្រោះបន្ទាន់ជាតិ ដែលដឹកនាំដោយលោក Eisenkot ដើម្បីជំនួសលោក Netanyahu ឱ្យបានឆាប់រហ័ស។
បច្ចុប្បន្ន ក្រុមបក្សផ្លាស់ប្តូរ និងគណបក្សអារ៉ាប់ពីរ មានសំឡេងគាំទ្ររួមគ្នាចំនួន ៦៧ អាសនៈ ក្នុងចំណោម ១២០ អាសនៈ នៅក្នុងសភាអ៊ីស្រាអែល។
កាលពីថ្ងៃទី៨ ខែវិច្ឆិកា ប្រធានាធិបតីអ៊ីស្រាអែល លោក Isaac Herzog បានប្រគល់ភារកិច្ចឱ្យលោក Eisenkot បង្កើតរដ្ឋាភិបាលថ្មី ដោយផ្តល់ពេល ២៨ ថ្ងៃ និងអាចបន្ថែមពេល ១៤ ថ្ងៃទៀត ប្រសិនបើចាំបាច់។

គួរបញ្ជាក់ថា លោក Netanyahu បានដឹកនាំរដ្ឋាភិបាលស្តាំនិយមជ្រុលតាំងពីចុងឆ្នាំ២០២២ មក ហើយកំពុងប្រឈមនឹងការកាត់ក្តីពីបទពុករលួយ ព្រមទាំងដីកាចាប់ខ្លួនរបស់តុលាការព្រហ្មទណ្ឌអន្តរជាតិ ពាក់ព័ន្ធនឹងបទចោទប្រកាន់ឧក្រិដ្ឋកម្មសង្គ្រាមនៅតំបន់ហ្គាហ្សា៕

Leave a Reply

Your email address will not be published. Required fields are marked *

Exit mobile version