លោកត្រាំ និងលោកស៊ី ឯកភាពគ្នាថាមនុស្សត្រូវតែជាអ្នកសម្រេចចិត្តលើសកម្មភាពយោធាដែលប្រើAI!

រដ្ឋមន្ត្រីក្រសួងរតនាគារអាមេរិក លោក ស្កុត បេសសិន (Scott Bessent) បាននិយាយកាលពីថ្ងៃសុក្រ ទី២០ ខែវិច្ឆិកា ថា ប្រធានាធិបតីអាមេរិក លោក ដូណាល់ ត្រាំ និងប្រធានាធិបតីចិន លោក ស៊ី ជីនពីង បានឯកភាពគ្នាថា មនុស្សត្រូវតែចូលរួមក្នុងការសម្រេចចិត្តផ្នែកយោធាដែលប្រើបញ្ញាសិប្បនិម្មិត (AI)។
សារព័ត៌មានAnadolu Agency។

លោក បេសសិន បានថ្លែងថា AI មិនគួរត្រូវបានអនុញ្ញាតឱ្យធ្វើការសម្រេចចិត្តដោយខ្លួនឯង លើសកម្មភាពយោធាសំខាន់ៗនោះទេ ពោលគឺត្រូវមានមនុស្សចូលរួមត្រួតពិនិត្យ និងសម្រេចចិត្តជានិច្ច។

លោកក៏បានបញ្ជាក់ថា មេដឹកនាំទាំងពីរបានពិភាក្សាយ៉ាងស៊ីជម្រៅអំពីវិធានការទប់ស្កាត់ការរីកសាយភាយអាវុធនុយក្លេអ៊ែរ ព្រមទាំងគោលនយោបាយពាណិជ្ជកម្ម បច្ចេកវិទ្យា AI និងសង្គ្រាមរវាងរុស្ស៊ីនិងអ៊ុយក្រែន។

គួរបញ្ជាក់ថា លោក ត្រាំ លោក ស៊ី និងប្រធានាធិបតីរុស្ស៊ី លោក វ្ល៉ាឌីមៀ ពូទីន បានជួបគ្នាកាលពីថ្ងៃព្រហស្បតិ៍ នៅទីក្រុង Shenzhen ប្រទេសចិន ក្នុងឱកាសកិច្ចប្រជុំកំពូលសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC)។ ក្រោយជំនួប មេដឹកនាំទាំងបីបានចេញសេចក្តីប្រកាសរួម ដោយបញ្ជាក់ថា សង្គ្រាមនុយក្លេអ៊ែរមិនអាចមានអ្នកឈ្នះឡើយ ហើយមិនត្រូវឱ្យកើតមានជាដាច់ខាត៕

Leave a Reply

Your email address will not be published. Required fields are marked *

Exit mobile version