ពត៌មានអន្តរជាតិ

កាលពីថ្ងៃពុធ(ទី៨ខែមករា)មេដឹកនាំហ្គ្រីនឡែន បានគេរំពឹងថានឹងជួបពិភាក្សាជាមួយព្រះមហាក្សត្រដាណឺម៉ាក នៅទីក្រុង Copenhagen បន្ទាប់ពីប្រធានាធិបតីជាប់ឆ្នោតរបស់អាមេរិក បានលើកឡើងពីបំណងចង់កាន់កាប់កោះអាកទិកដ៏ធំមួយនេះ ដែលជាដែនដីស្វយ័តរបស់ប្រទេសដាណឺម៉ាក។

តារាល្បីៗជាច្រើនរួមទាំង មនុស្សជាង ៣០,០០០ នាក់ បានភៀសខ្លួនចេញពីផ្ទះសម្បែង ខណៈដែលភ្លើងឆេះព្រៃបានឆាបឆេះតំបន់ឆ្នេរដ៏ធំ នៃទីក្រុង Los Angeles ពេញមួយយប់។ ភ្លើងបានបំផ្លាញផ្ទះសម្បែងជាច្រើន និងឆេះរាលដាលតាមជម្រាលភ្នំ បង្កឱ្យមានការកកស្ទះចរាចរណ៍ខ្លាំង ខណៈអ្នកស្រុកនាំគ្នាជម្លៀសខ្លួន។

កាលពីថ្ងៃពុធ(ទី៨ខែមករា) ភ្លើងឆេះព្រៃដ៏កាចសាហាវដែលបង្កឡើងដោយខ្យល់បក់ខ្លាំង និងភាពរាំងស្ងួតបានឆេះរីករាលដាលយ៉ាងឆាប់រហ័សនៅទូទាំងផ្នែកភាគខាងជើង និងភាគពាយ័ព្យនៃទីក្រុង Los Angeles បន្ទាប់ពីបានឆក់យកជីវិតមនុស្សពីរនាក់ និងបានដុតបំផ្លាញផ្ទះសម្បែង អាជីវកម្ម និងសំណង់ផ្សេងៗទៀតជាង 1,000កន្លែង។

កាលពីថ្ងៃពុធ(ទី៨ខែមករា)លោក Szymon Holownia ប្រធានសភារបស់ប្រទេសប៉ូឡូញបាននិយាយថារៀបចំការបោះឆ្នោតប្រធានាធិបតីនៅថ្ងៃទី 18 ខែឧសភា។

កាលពីថ្ងៃពុធ(ទី៨ខែមករា)រដ្ឋមន្ត្រីឧស្សាហកម្មបាននិយាយថា Apple (AAPL.O) នៅតែមិនអាចលក់ iPhone 16 របស់ខ្លួននៅក្នុងប្រទេសឥណ្ឌូណេស៊ី បើទោះបីជាមានកិច្ចព្រមព្រៀងសាងសង់រោងចក្រផលិតក្នុងស្រុកនៅទីនោះក៏ដោយ ព្រោះវាមិនបានបំពេញតាមច្បាប់មាតិកាក្នុងស្រុកឡើយ។ប្រភពពីសារព័ត៌មាន Reuters។

នៅថ្ងៃពុធនេះ(ទី៨ខែមករា)នាយករដ្ឋមន្ត្រីអេស្ប៉ាញ លោក Pedro Sanchez បានរិះគន់ខ្លាំងៗ ទៅលើមហាសេដ្ឋី Elon Musk ដោយចោទប្រកាន់លោក ពីបទជ្រៀតជ្រែកក្នុងនយោបាយអឺរ៉ុប និងធ្វើឱ្យខូចលទ្ធិប្រជាធិបតេយ្យ។

កាលពីថ្ងៃពុធ(ទី៨ខែមករា) អ៊ុយក្រែនបាននិយាយថាមនុស្ស13 នាក់បានស្លាប់ដោយសារការវាយប្រហារតាមអាកាសរបស់រុស្ស៊ីនៅក្នុងទីក្រុង Zaporizhzhia ភាគអាគ្នេយ៍។ ប្រភពពីសារព័ត៌មានAnadolu។

ភ្លើងឆេះព្រៃដ៏សាហាវក្នុងទីក្រុង Los Angeles រដ្ឋកាលីហ្វ័រញ៉ា បានបង្ខំឱ្យមនុស្ស 30,000 នាក់ត្រូវជម្លៀសចេញ ដោយក្រុមមន្ត្រីបានព្រមានថា ខ្យល់បក់កាន់តែអាក្រក់ទៅៗអាចបង្កើនការឆាបឆេះបន្ថែមទៀត។

យោធាតៃវ៉ាន់កាលពីថ្ងៃអង្គារ(ទី៧ខែមករា) បានធ្វើសមយុទ្ធប្រយុទ្ធផ្ទាល់នៅឯជំរុំ Hukou ដែលជាស្រុកមួយនៅភាគពាយព្យជាការឆ្លើយតបទៅនឹងការរកឃើញការកើនឡើងនៃសកម្មភាពយោធារបស់ចិននៅជិតកោះតៃវ៉ាន់។

កាលពីថ្ងៃអង្គារ(ទី៧ខែមករា) កងទ័ពលីបង់បាននិយាយថា ខ្លួនបានចាប់ផ្តើមដាក់ពង្រាយនៅក្នុងទីប្រជុំជនចំនួន 5 នៅទូទាំងស្រុក Tire និង Bint Jbeil នៅភាគខាងត្បូងប្រទេសលីបង់ បន្ទាប់ពីការដកទ័ពរបស់អ៊ីស្រាអែល។