ព្រះរាជអាជ្ញាពិសេសរបស់កូរ៉េខាងត្បូងបានចោទប្រកាន់អតីតប្រធានាធិបតី លោកYoon Suk Yeol ថាបានប្រើប្រាស់អំណាចខុសច្បាប់ និងជួយសត្រូវ ក្នុងអំឡុងពេលដែលគាត់បានប្រកាសច្បាប់អាជ្ញាសឹកកាលពីឆ្នាំមុន។
ការចោទប្រកាន់ថ្មីនេះត្រូវបានប្រកាសនៅថ្ងៃទី 10 ខែវិច្ឆិកា ដោយក្រុមស៊ើបអង្កេតពិសេសដែលដឹកនាំដោយ លោក Park Ji-young។ ក្រុមនេះអះអាងថា លោក Yoon និងសហការីជិតស្និទ្ធរបស់គាត់បានរៀបចំផែនការមួយ ដើម្បីបង្កើតស្ថានភាពប្រកាន់ព្រំប្រកាន់ជាមួយកូរ៉េខាងជើង ដើម្បីផ្តល់លេសសម្រាប់ការដាក់ច្បាប់អាជ្ញាសឹក។
លោក Yoon និងក្រុមរបស់គាត់បានឃុបឃិតគ្នាដើម្បី បង្កើតលក្ខខណ្ឌអនុញ្ញាតឲ្យមានការប្រកាសច្បាប់អាជ្ញាសឹក ក្នុងគ្រាអាសន្ន ដោយបង្កើនហានិភ័យនៃការប៉ះទង្គិចអាវុធ អន្តរកូរ៉េ និងប៉ះពាល់ដល់សុវត្ថិភាពជាតិ។
ព្រះរាជអាជ្ញាបានបញ្ជាក់ថា ភស្តុតាងសំខាន់ត្រូវបានរកឃើញ ក្នុងអនុស្សរណៈមួយដែលសរសេរដោយអតីតមេបញ្ជាការ ប្រឆាំងចារកម្មរបស់លោក Yoon កាលពីខែតុលា ឆ្នាំមុន។ អនុស្សរណៈនោះបានលើកឡើងថា ត្រូវ “បង្កើតស្ថានភាពមិន ស្ថិតស្ថេរ” ដោយកំណត់គោលដៅលើទីកន្លែងសំខាន់ៗដូចជា ទីក្រុងព្យុងយ៉ាង ឬ ទីក្រុងឆ្នេរសមុទ្រ Wonsan ដើម្បីបង្ខំឲ្យ កូរ៉េខាងជើងឆ្លើយតបយោធា។
អតីតប្រធានាធិបតី Yoon ត្រូវបានដកចេញពីតំណែងដោយ តុលាការធម្មនុញ្ញក្នុងខែមេសា ឆ្នាំនេះ បន្ទាប់ពីការប្រកាស ច្បាប់អាជ្ញាសឹករបស់គាត់ត្រូវបានស្ទាក់ស្ទើរ និងត្រូវបដិសេធ ដោយសាធារណៈ។ គាត់កំពុងត្រូវប្រឈមមុខនឹង
បទចោទប្រកាន់ជាច្រើន រួមទាំង បទបះបោរ, រំលោភអំណាច, និងឧក្រិដ្ឋកម្មប្រឆាំងជាតិ៕