នៅថ្ងៃទី12 ខែវិច្ឆិកា ឆ្នាំ 2025 រដ្ឋាភិបាលវេណេស៊ុយអេឡា បានប្រកាសអំពីការដាក់ពង្រាយ កងទ័ពទូទាំងប្រទេសជាការឆ្លើយតប ចំពោះវត្តមានកងទ័ពសហរដ្ឋអាមេរិក ដែលកំពុងបង្កើនសកម្មភាព នៅតំបន់ការ៉ាប៊ីន។
ប្រភពពីសារព័ត៌Anadolu Agency។
រដ្ឋមន្ត្រីក្រសួងការពារជាតិ លោកVladimir Padrino Lopez បាននិយាយតាមទូរទស្សន៍រដ្ឋថា កងទ័ពប្រហែល ២០០,០០០ នាក់ ត្រូវបានចល័តសម្រាប់សមយុទ្ធជាតិ ដើម្បីបង្ហាញសមត្ថភាពការពារ និងការឆ្លើយតបប្រឆាំងនឹងការគំរាមកំហែងពីសហរដ្ឋអាមេរិក។
កងទ័ពជិត២០ម៉ឺននាក់ ត្រូវបានដាក់ពង្រាយនៅទូទាំង ប្រទេសសម្រាប់សមយុទ្ធនេះ។
ការដាក់ពង្រាយនេះ កើតឡើងស្របពេលដែល រដ្ឋសភាវេ ណេស៊ុយអេឡា បានអនុម័តច្បាប់ថ្មីមួយ ដើម្បីពង្រឹង យុទ្ធសាស្រ្តការពារជាតិប្រឆាំងនឹងការកើនឡើងនៃ វត្តមានយោធាអាមេរិក។
ប្រធានរដ្ឋសភា Jorge Rodriguez បានបញ្ជាក់ថា ច្បាប់ នេះមានគោលបំណង បង្កើតវិធីថ្មីក្នុងការគ្រប់គ្រងការដាក់ ពង្រាយ ការអនុលោមតាមបទបញ្ជា និងការតភ្ជាប់រវាង ប្រជាជនជាមួយកងកម្លាំងប្រដាប់អាវុធដើម្បីធានាសុវត្ថិភាព ជាតិ។
ការចល័តកងទ័ព បានធ្វើឡើងជាមួយនឹងការមកដល់ នាវាចម្បាំង USS Gerald R. Ford នាវាផ្ទុកយន្តហោះធំ បំផុតរបស់សហរដ្ឋអាមេរិក ដែលបានចូលទៅក្នុងតំបន់សមុទ្រការ៉ាប៊ីន។
ការចូលមកនេះបានជំរុញឲ្យមានការព្រួយបារម្ភអំពី ការកើនឡើងនៃតានតឹងយោធា។
កងទ័ពជើងទឹកអាមេរិកបានបញ្ជាក់ថា នាវាចម្បាំងនោះស្ថិតក្រោមការគ្រប់គ្រងរបស់ បញ្ជាការភាគខាងត្បូង (U.S. Southern Command) ដែលទទួលខុសត្រូវលើតំបន់អាមេរិកឡាទីន និងការ៉ាប៊ីន។
សហរដ្ឋអាមេរិកអះអាងថា ការចូលមកនេះគឺសម្រាប់ ប្រយុទ្ធប្រឆាំងនឹងការជួញដូរគ្រឿងញៀន ប៉ុន្តែវេណេស៊ុយអេឡាបានចោទថា ជា ការបង្កើតសង្គ្រាមថ្មីមួយ៕