ទឹកជំនន់ធ្ងន់ធ្ងរ និងការបាក់ដីនៅលើកោះស៊ូម៉ាត្រារបស់ប្រទេសឥណ្ឌូនេស៊ី បានសម្លាប់មនុស្សយ៉ាងហោចណាស់ ១៧៤នាក់និងធ្វើឱ្យមនុស្សជិត ៨០ នាក់បាត់ខ្លួន ខណៈមនុស្សរាប់ពាន់នាក់ត្រូវផ្លាស់ទីលំនៅ នេះបើយោងតាមប្រព័ន្ធផ្សព្វផ្សាយក្នុងស្រុកបានរាយការណ៍កាលពីថ្ងៃសុក្រទី២៨ខែវិច្ចិកា។
ប្រភពពីសារព័ត៌មានAljazeera។
យោងតាមសារព័ត៌មាន Detik News លោកឧត្តមសេនីយ៍ឯក Suharyanto ប្រធានទីភ្នាក់ងារកាត់បន្ថយគ្រោះមហន្តរាយជាតិរបស់ប្រទេសឥណ្ឌូនេស៊ី បានប្រាប់សន្និសីទសារព័ត៌មានកាលពីថ្ងៃសុក្រថា តំបន់ដែលរងគ្រោះខ្លាំងបំផុតគឺភាគខាងជើងនៃកោះស៊ូម៉ាត្រា ដោយមានអ្នកស្លាប់ចំនួន ១១៦ នាក់ និងបាត់ខ្លួនចំនួន ៤២ នាក់ ខណៈដែលជនរងគ្រោះចំនួ ២៣នាក់ត្រូវបានបញ្ជាក់នៅភាគខាងលិចនៃកោះស៊ូម៉ាត្រា ដោយមានអ្នកបាត់ខ្លួនចំនួន១២នាក់។
នៅអាឆេ ភាគពាយ័ព្យនៃកោះស៊ូម៉ាត្រាមនុស្ស ៣៥ នាក់បានស្លាប់និង២៥នាក់ផ្សេងទៀតនៅតែបាត់ខ្លួន។
លោក Suharyanto បាននិយាយថាចំនួនអ្នកស្លាប់អាចកើនឡើង ខណៈដែលកិច្ចខិតខំប្រឹងប្រែងស្វែងរកនៅតែបន្ត ដោយកត់សម្គាល់ថាតួលេខដែលចេញផ្សាយនៅរសៀលថ្ងៃសុក្រគ្រាន់តែជាតួលេខបឋមប៉ុណ្ណោះ៕