អាជ្ញាធរអាហ្វហ្គានីស្ថានបានផ្តល់ព័ត៌មានថា ជនស៊ីវិលបួននាក់ត្រូវបានសម្លាប់ បន្ទាប់ពីការបាញ់ប្រហារគ្នាយ៉ាងតានតឹងជាមួយកងកម្លាំងប៉ាគីស្ថានតាមបណ្តោយព្រំដែនរួម។ ការប៉ះទង្គិចនេះកើតឡើងនៅពេលដែលភាពតានតឹងនយោបាយ និងសន្តិសុខរវាងអតីតសម្ព័ន្ធមិត្តទាំងពីរកើនឡើងបន្ទាប់ពីការចរចាសន្តិភាពនៅអារ៉ាប៊ីសាអូឌីតបានបរាជ័យ។
ប្រភពពីសារព័ត៌មានAl Jazeera នៅថ្ងៃទី ៦ ខែធ្នូ ឆ្នាំ ២០២៥។
អភិបាលស្រុក Spin Boldak ក្នុងខេត្ត Kandahar បានបញ្ជាក់ថា ការបាញ់ប្រហារគ្នានេះបានកើតឡើងកាលពីយប់ថ្ងៃទីសុក្រ ហើយបណ្តាលឱ្យមានការខូចខាត និងការស្លាប់ជនស៊ីវិល។
ភាគីទាំងពីរបានចោទប្រកាន់គ្នាទៅវិញទៅមកថាជាភាគីនីមួយៗបានបើកការបាញ់មុន។
អ្នកនាំពាក្យរបស់នាយករដ្ឋមន្ត្រីប៉ាគីស្ថាន លោក Shehbaz Sharif តាមរយៈការបង្ហោះសារមួយបានលើកឡើងថា កងកម្លាំងអាហ្វហ្គានីស្ថានបានចាប់ផ្តើមការបាញ់ប្រហារមុនតាមបណ្តោយព្រំដែន Chaman។
ការប៉ះទង្គិចលើព្រំដែនអាហ្វហ្គានីស្ថាន–ប៉ាគីស្ថាន បានកើតឡើងជាញឹកញាប់ក្នុងរយៈពេលចុងក្រោយនេះ បន្ទាប់ពីក្រុមតាលីបង់បានវិលត្រឡប់មកកាន់អំណាចនៅឆ្នាំ ២០២១ ដែលធ្វើឱ្យទំនាក់ទំនងប្រកបដោយជម្លោះកើតឡើងឡើងវិញរវាងប្រទេសជិតខាងទាំងពីរ៕