ទោះបីជាអ៊ីរ៉ង់កំពុងប្រឈមនឹងវិបត្តិធ្ងន់ធ្ងរពីការតវ៉ាផ្ទៃក្នុង និងសម្ពាធអន្តរជាតិក៏ដោយ អ្នកវិភាគនិយាយថា ប្រធានាធិបតីសហរដ្ឋអាមេរិក លោក Donald Trump មិនមានផ្លូវងាយស្រួលក្នុងការទទួលបានជ័យជម្នះលើរបបទីក្រុងតេអេរ៉ង់នោះទេ។
ប្រភពពីសារព័ត៌មានAl Jazeera នៅថ្ងៃទី១៧ខែមករាឆ្នាំ២០២៦។
អ្នកជំនាញព្រមានថា ការវាយប្រហារយោធាណាមួយរបស់សហរដ្ឋអាមេរិក អាចបង្កហានិភ័យនៃជម្លោះអូសបន្លាយ និងអស្ថិរភាពក្នុងតំបន់។ អ៊ីរ៉ង់ទំនងជានឹងសងសឹកយ៉ាងខ្លាំង មិនដូចការឆ្លើយតបដែលធ្លាប់កើតមានកាលពីមុនឡើយ។
ក្នុងបរិបទនៃការតវ៉ាដ៏ធំទូលាយនៅអ៊ីរ៉ង់ លោក Trump បានគំរាមធ្វើអន្តរាគមន៍យោធា ប្រសិនបើអាជ្ញាធរអ៊ីរ៉ង់បន្តប្រើហិង្សាលើក្រុមបាតុករ។ ទោះជាយ៉ាងណា ការបង្ក្រាបបានបន្ត ហើយចំនួនអ្នកស្លាប់ត្រូវបានរាយការណ៍ថាកើនដល់រាប់ពាន់នាក់ ខណៈដែលអ៊ីរ៉ង់បានផ្តាច់អ៊ីនធឺណិតទូទាំងប្រទេស។
អ្នកវិភាគសន្និដ្ឋានថា ជម្រើសទាំងអស់ដែលសហរដ្ឋអាមេរិកអាចជ្រើសរើសប្រឆាំងអ៊ីរ៉ង់ សុទ្ធតែពោរពេញដោយហានិភ័យ និងអាចនាំទៅរកវិបត្តិធំជាងមុន សម្រាប់ទាំងវ៉ាស៊ីនតោន និងតំបន់មជ្ឈឹមបូព៌ា៕