ការវាយប្រហាររបស់អ៊ីស្រាអែលនៅតំបន់ហ្គាហ្សាបានសម្លាប់ជនប៉ាឡេស្ទីនយ៉ាងហោចណាស់បីនាក់ ខណៈដែលគណៈកម្មាធិការបច្ចេកទេសប៉ាឡេស្ទីនបានជួបប្រជុំជាលើកដំបូងនៅទីក្រុងគែរ ដើម្បីរៀបចំដំណាក់កាលទីពីរនៃផែនការសន្តិភាព។
ប្រភពពីសារព័ត៌មានAl Jazeera នៅថ្ងៃទី១៧ខែមករា។
ជនរងគ្រោះរួមមាន ក្មេងស្រីអាយុ ១០ ឆ្នាំ ក្មេងប្រុសអាយុ ១៦ ឆ្នាំ និងស្ត្រីអាយុ ៦២ ឆ្នាំ ដែលត្រូវបានសម្លាប់ក្នុងការបាញ់ប្រហារ និងការទម្លាក់គ្រាប់បែកដោយកងកម្លាំងអ៊ីស្រាអែលនៅ Beit Lahiya និង Khan Younis។ ក្នុងរយៈពេល ២៤ ម៉ោងចុងក្រោយ យ៉ាងហោចណាស់ជនប៉ាឡេស្ទីន ១៥ នាក់ត្រូវបានសម្លាប់ បន្ទាប់ពីមានការទម្លាក់គ្រាប់បែកលើផ្ទះសម្បែងនៅ Deir el-Balah។
អ៊ីស្រាអែលបានអះអាងថា ការវាយប្រហារទាំងនេះមានគោលដៅលើសមាជិកក្រុមហាម៉ាស និងបានប្រកាសថា បានសម្លាប់មេបញ្ជាការម្នាក់នៃកងពលតូច Qassam។ ទោះជាយ៉ាងណា ក្រុមហាម៉ាសបានចោទប្រកាន់អ៊ីស្រាអែលថា កំពុងរំលោភបំពានបទឈប់បាញ់ដែលមានសភាពទន់ខ្សោយ៕