កាលពីថ្ងៃទី 17 ខែមករា ឆ្នាំ 2026 ប្រជាជននៅ Greenland កំពុងចាប់ផ្តើមគិតគូរយ៉ាងម៉ត់ចត់អំពីអនាគតរបស់ខ្លួន បន្ទាប់ពីប្រធានាធិបតីអាមេរិក លោកDonald Trump បង្ហាញបំណងចង់ដណ្តើមយកកោះនេះ ដែលស្ថិតក្រោមអធិបតេយ្យភាពដាណឺម៉ាក និងមានសារៈសំខាន់យុទ្ធសាស្ត្រនៅតំបន់អាក់ទិក។
ប្រភពពីសារព័ត៌មានព័ត៌មានAFP។
ប្រជាជនមួយចំនួនបានរៀបចំផែនការរត់គេចខ្លួន ប្រសិនបើមានការឈ្លានពាន ខណៈអ្នកខ្លះផ្សេងទៀតចាប់ផ្តើមស្តុកស្បៀងអាហារ ទឹក សាំង និងឧបករណ៍ចាំបាច់។ ទោះបីមិនមានការភ័យស្លន់ស្លោជាសាធារណៈក៏ដោយ ក្តីព្រួយបារម្ភអំពីសង្គ្រាមកំពុងកើនឡើង។
អ្នករស់នៅទីក្រុង Nuuk មួយចំនួនអះអាងថា ពួកគេត្រៀមខ្លួនរស់នៅដោយខ្លួនឯង ប្រសិនបើការផ្គត់ផ្គង់ត្រូវបានផ្អាក ដោយពឹងផ្អែកលើការបរបាញ់ និងធនធានធម្មជាតិ។ មកដល់ពេលនេះ អាជ្ញាធរមិនទាន់បានចេញសេចក្តីណែនាំផ្លូវការណាមួយឡើយ ប៉ុន្តែភាពតានតឹងនយោបាយបានធ្វើឲ្យជនជាតិ Greenland ចាប់ផ្តើមគិតអំពីសេណារីយ៉ូដែលពួកគេមិនធ្លាប់គិតពីមុន៕