រដ្ឋបាលប្រធានាធិបតី ដូណាល់ ត្រាំ បានអនុម័តការលក់អាវុធថ្មីមួយទៅកាន់អ៊ីស្រាអែល មានតម្លៃប្រមាណ ៦,៦៧ ពាន់លានដុល្លារ និងអារ៉ាប៊ីសាអូឌីត មានតម្លៃ ៩ ពាន់លានដុល្លារ ខណៈភាពតានតឹងនៅមជ្ឈិមបូព៌ាកំពុងកើនឡើង។
ប្រភពពីសារព័ត៌មានAP នៅថ្ងៃទី៣១ខែមករា។
ក្រសួងការបរទេសសហរដ្ឋអាមេរិកបានប្រកាសការលក់អាវុធនេះកាលពីយប់ថ្ងៃសុក្រ បន្ទាប់ពីបានជូនដំណឹងដល់សភា ជាផ្នែកមួយនៃការគាំទ្រសម្ព័ន្ធមិត្តសំខាន់ៗរបស់អាមេរិកក្នុងតំបន់។ ការសម្រេចចិត្តនេះកើតឡើងក្នុងបរិបទនៃការព្រួយបារម្ភអំពីលទ្ធភាពនៃការប៉ះទង្គិចយោធាជាមួយអ៊ីរ៉ង់។
ជាមួយគ្នានេះផងដែរ ប្រធានាធិបតីត្រាំកំពុងជំរុញផែនការឈប់បាញ់នៅតំបន់ហ្គាហ្សា ដើម្បីបញ្ចប់ជម្លោះអ៊ីស្រាអែល–ហាម៉ាស និងបើកផ្លូវសម្រាប់ការស្តារឡើងវិញ បន្ទាប់ពីសង្គ្រាមយូរឆ្នាំដែលបណ្តាលឱ្យមានការខូចខាតធ្ងន់ធ្ងរ និងមនុស្សស្លាប់រាប់ម៉ឺននាក់៕