មន្ត្រីយោធាជាន់ខ្ពស់របស់រុស្ស៊ីម្នាក់ គឺឧត្តមសេនីយ៍ឯក លោកVladimir Alexeyev រងការបាញ់ប្រហារច្រើនដង បណ្តាលឲ្យរងរបួសធ្ងន់ នៅក្នុងអគារលំនៅដ្ឋានមួយជាយក្រុងភាគពាយ័ព្យនៃទីក្រុងមូស្គូនៅថ្ងៃសុក្រ។
លោកត្រូវបានបញ្ជូនទៅមន្ទីរពេទ្យភ្លាមៗ ខណៈស្ថានភាពសុខភាពមិនទាន់ត្រូវបានបញ្ជាក់។
ប្រភពពីសារព័ត៌មានBBC នៅថ្ងៃទី៦ខែកុម្ភៈ។
លោក Alexeyev ជាមន្ត្រីជាន់ខ្ពស់ក្នុងនាយកដ្ឋានសំខាន់នៃអគ្គសេនាធិការយោធារុស្ស៊ី (GRU) និងមានតួនាទីសំខាន់ក្នុងសង្គ្រាមអ៊ុយក្រែន រួមទាំងការចរចាកាលពីការឡោមព័ទ្ធទីក្រុង Mariupol ឆ្នាំ២០២២ និងការចរចាជាមួយមេក្រុម Wagner លោក Yevgeny Prigozhin ក្នុងឆ្នាំ២០២៣។
គណៈកម្មាធិការស៊ើបអង្កេតរុស្ស៊ីបានបើកសំណុំរឿងប៉ុនប៉ងឃាតកម្ម ខណៈមិនទាន់ដឹងអ្នកនៅពីក្រោយការវាយប្រហារនេះ។ ករណីនេះកើតឡើងក្នុងបរិបទនៃការវាយប្រហារលើឥស្សរជនយោធារុស្ស៊ីជាបន្តបន្ទាប់នៅមូស្គូ ក្នុងប៉ុន្មានឆ្នាំចុងក្រោយ ដែលមួយចំនួនត្រូវបានអះអាងថាពាក់ព័ន្ធនឹងចារកម្មអ៊ុយក្រែន៕