កាលពីថ្ងៃទី 13 ខែកុម្ភៈ យោធាអាមេរិកភាគខាងត្បូង(SOUTHCOM) បានប្រកាសថា ខ្លួនបានវាយប្រហារលើទូកមួយដែលសង្ស័យពាក់ព័ន្ធនឹងការជួញដូរគ្រឿងញៀន នៅសមុទ្រការ៉ាប៊ីន បណ្ដាលឲ្យមនុស្ស 3 នាក់ស្លាប់។ ប្រតិបត្តិការនេះធ្វើឡើងក្រោមយុទ្ធនាការ “Southern Spear” ដែលមានគោលបំណងបង្ក្រាបបណ្តាញជួញដូរគ្រឿងញៀន។
ប្រភពពីសារព័ត៌មានCNN។
SOUTHCOM បញ្ជាក់ថា ប្រតិបត្តិការនេះត្រូវបានដឹកនាំដោយមេបញ្ជាការលោកFrancis L. Donovan ហើយគ្មានយោធាអាមេរិកណាម្នាក់រងរបួសឡើយ។
សូមបញ្ជាក់ថា៖ យោងតាមទិន្នន័យផ្លូវការ យ៉ាងហោចណាស់មនុស្ស 124 នាក់ត្រូវបានសម្លាប់ក្នុងការវាយប្រហារលើទូកសង្ស័យជួញដូរគ្រឿងញៀន ចាប់តាំងពីប្រតិបត្តិការនេះចាប់ផ្តើមនៅខែកញ្ញា។ ការវាយប្រហារថ្មីនេះគឺជាលើកទី 4 ដែលត្រូវបានបង្ហាញជាសាធារណៈក្នុងឆ្នាំនេះ៕