ប្រធានាធិបតីអ៊ុយក្រែន លោក Volodymyr Zelenskyy បានថ្លែងថាអាមេរិកជំរុញឱ្យអ៊ុយក្រែន ពិចារណាបោះបង់ការទាមទារទឹកដីមួយចំនួនដែលរុស្ស៊ីកាន់កាប់ ជាថ្នូរនឹងការធានាសន្តិសុខ។
ប៉ុន្តែលោកអះអាងថា ការធានាត្រូវតែមកមុនគេ មិនមែនបន្ទាប់ពីការដោះដូរទឹកដីនោះឡើយ។
ប្រភពពីសារព័ត៌មាន Anadolu Agency នៅថ្ងៃទី១៧ ខែកុម្ភះ។
លោក Zelenskyy បានបញ្ជាក់ថា អ៊ុយក្រែនមានឆន្ទៈធ្វើសម្របសម្រួល ប៉ុន្តែមិនមែនជាការសម្របសម្រួលដែលនឹងអនុញ្ញាតឱ្យរុស្ស៊ីស្ដារកម្លាំងឡើងវិញ ហើយមកកាន់កាប់ប្រទេសម្តងទៀតឡើយ។
លោកថា ការបោះបង់ទឹកដីមិនមែនជាជម្រើសងាយស្រួលសម្រាប់ប្រជាជនអ៊ុយក្រែនទេ៕