កាលពីថ្ងៃទី២២ ខែកុម្ភៈ ឆ្នាំ២០២៦ អតីតមន្ត្រីជាន់ខ្ពស់មន្ទីរបញ្ចកោណម្នាក់បានអះអាងថា សហរដ្ឋអាមេរិកកំពុងត្រៀមយុទ្ធនាការយោធា kinetic ខ្ពស់ប្រឆាំងនឹងអ៊ីរ៉ង់បន្ទាប់ពីដាក់ពង្រាយសម្ភារៈយោធានៅតំបន់មជ្ឈិមបូព៌ា។
ប្រភពពីសារព័ត៌មានFox news។
លោកស្រី Dana Stroul អតីតមន្ត្រីបញ្ចកោណ និងបច្ចុប្បន្នជានាយកស្រាវជ្រាវនៅ Washington Institute for Near East Policy បានប្រាប់ Fox News ថា កងកម្លាំងអាមេរិកត្រៀមខ្លួនរួចជាស្រេចសម្រាប់ប្រតិបត្តិការយោធា ប្រសិនបើប្រធានាធិបតី Donald Trump ផ្តល់បញ្ជា។
ការព្រមាននេះកើតឡើង ខណៈទីក្រុងវ៉ាស៊ីនតោន និងទីក្រុងតេអេរ៉ង់កំពុងរៀបចំជុំទីពីរនៃកិច្ចចរចានុយក្លេអ៊ែរដោយប្រយោលនៅប្រទេសអូម៉ង់។ អ្នកវិភាគមួយចំនួនមើលឃើញថា ការដាក់ពង្រាយសម្ភារៈយោធានេះជាសញ្ញាដាក់សម្ពាធលើអ៊ីរ៉ង់ ខណៈភាពតានតឹងនៅមជ្ឈិមបូព៌ាកំពុងកើនឡើង៕