ប្រធានាធិបតីអ៊ុយក្រែន Volodymyr Zelenskyy និយាយថា លោកបានជជែកតាមទូរស័ព្ទជាមួយប្រធានាធិបតីសហរដ្ឋអាមេរិក Donald Trump អំពីកិច្ចខិតខំប្រឹងប្រែងសន្តិភាពជាមួយរុស្ស៊ី និងការរៀបចំសម្រាប់កិច្ចប្រជុំកម្រិតមេដឹកនាំដែលអាចកើតមានក្នុងពេលឆាប់ៗនេះ។
ប្រភពពីសារព័ត៌មានAl Jazeeraនៅថ្ងៃទី២៦ខែកុម្ភៈ។
ការហៅទូរស័ព្ទរយៈពេលប្រហែល ៣០ នាទីនេះ បានធ្វើឡើងមុនកិច្ចប្រជុំរវាងមន្ត្រីអាមេរិក និងអ៊ុយក្រែននៅទីក្រុង Geneva។ ក្នុងការសន្ទនា ក៏មានការចូលរួមពីបេសកជនអាមេរិក Steve Witkoff និងទីប្រឹក្សា Jared Kushner ផងដែរ។
លោក Zelenskyy បានបញ្ជាក់ថា គោលបំណងគឺលើកកម្ពស់ការចរចាទៅកម្រិតមេដឹកនាំ ដោយលោកមើលឃើញថា នេះជាវិធីតែមួយដើម្បីដោះស្រាយបញ្ហាស្មុគស្មាញ និងបញ្ចប់សង្គ្រាមដែលបានបន្តអស់ជាងបួនឆ្នាំ។ លោកក៏បានអំពាវនាវម្តងទៀតឱ្យមានកិច្ចប្រជុំដោយផ្ទាល់ជាមួយប្រធានាធិបតីរុស្ស៊ី Vladimir Putin៕