ភាពតានតឹងនៅមជ្ឈិមបូព៌ាបានកើនឡើងយ៉ាងខ្លាំង ក្រោយអ៊ីរ៉ង់បើកការវាយប្រហារថ្មីប្រឆាំងនឹងអ៊ីស្រាអែល និងមូលដ្ឋានទ័ពអាមេរិកនៅតំបន់ឈូងសមុទ្រ បន្ទាប់ពីបញ្ជាក់ពីស្លាប់របស់មេដឹកនាំកំពូលអ៊ីរ៉ង់ Ayatollah Ali Khamenei។ សំឡេងផ្ទុះត្រូវបានរាយការណ៍ថាបានឮនៅទីក្រុងឌូបៃ ដូហា និងម៉ាណាម៉ា ដែលជាទីតាំងមានវត្តមានយោធាអាមេរិក។
ប្រភពពីសារព័ត៌មានAPនៅថ្ងៃទី១ខែមីនា។
កងឆ្មាំបដិវត្តន៍អ៊ីស្លាម(IRGC) បានស្បថថានឹងចាប់ផ្តើម ប្រតិបត្តិការវាយលុកដ៏សាហាវបំផុតក្នុងប្រវត្តិសាស្ត្រ ដោយកំណត់គោលដៅលើមូលដ្ឋានអ៊ីស្រាអែល និងអាមេរិក។ ការគំរាមនេះកើតឡើងបន្ទាប់ពីការវាយប្រហាររួមរវាងសហរដ្ឋអាមេរិក និងអ៊ីស្រាអែល ដែលបានពង្រីកដល់ថ្ងៃទីពីរ ហើយត្រូវបានរាយការណ៍ថាបានសម្លាប់មេបញ្ជាការយោធាជាន់ខ្ពស់ និងទីប្រឹក្សាជាច្រើននាក់ផងដែរ៕