សកម្មជនម្នាក់ឈ្មោះMousa Taher បានអះអាងថា គាត់ និងសកម្មជនផ្សេងៗ ត្រូវបានឃុំខ្លួន និងរងការប្រព្រឹត្តអាក្រក់ បន្ទាប់ពីកងនាវាជំនួយទៅហ្គាហ្សា ត្រូវបានអ៊ីស្រាអែលស្ទាក់ចាប់។
ប្រភពពីសារព័ត៌មានAnadolu Agency នៅថ្ងៃទី២២ខែឧសភា។
គាត់និយាយថា ពេលឃុំខ្លួន ពួកគេត្រូវបានវាយដំ ធ្វើអាម៉ាស់ និងបង្ខំឲ្យវារលើដី ហើយខ្លះទៀតត្រូវបានចងខ្សែយ៉ាងតឹងរឹង។ គាត់ក៏អះអាងថា មានការប្រព្រឹត្តធ្ងន់ធ្ងរនៅក្នុងពន្ធនាគារផងដែរ។
សកម្មជនរូបនេះអំពាវនាវឲ្យពិភពលោកមើលស្ថានភាពនៅហ្គាហ្សា និងការពារសិទ្ធិមនុស្សរបស់អ្នកដែលរស់នៅក្រោមការបិទផ្លូវ និងសង្គ្រាម៕
