សហរដ្ឋអាមេរិក និងចិនបានព្រមព្រៀង បន្តផ្អាកសង្គ្រាមពាណិជ្ជកម្មរយៈពេល ២ខែទៀត។ កិច្ចព្រមព្រៀងដែលដើមឡើយនឹងផុតកំណត់នៅថ្ងៃទី ១០ ខែវិច្ឆិកា នឹងត្រូវបន្តរហូតដល់ ថ្ងៃទី១០ ខែមករា ឆ្នាំ២០២៧។
ប្រភពពីសារព័ត៌មានReuter នៅថ្ងៃទី២៤ខែកញ្ញា។
រដ្ឋមន្ត្រីក្រសួងរតនាគារអាមេរិក លោក Scott Bessent បាននិយាយថា ការពន្យារពេលនេះនឹងផ្តល់ពេលឱ្យប្រទេសទាំងពីរ ចរចាកិច្ចព្រមព្រៀងពាណិជ្ជកម្មធំមួយ ជំនួសឱ្យការដោះស្រាយបញ្ហាតូចៗម្តងមួយៗ។
មន្ត្រីអាមេរិក និងចិនបានជួបពិភាក្សាគ្នា មុនកិច្ចប្រជុំរវាងប្រធានាធិបតីអាមេរិក ដូណាល់ ត្រាំ និងប្រធានាធិបតីចិន ស៊ី ជីនពីង។ ការពិភាក្សាក៏ផ្តោតលើ ពាណិជ្ជកម្ម បញ្ញាសិប្បនិម្មិត (AI) និងរ៉ែសំខាន់ៗ។
លោក Bessent ក៏បាននិយាយថា ចិនកំពុងអនុវត្តការទិញសណ្តែកសៀងពីអាមេរិកតាមការព្រមព្រៀង ប៉ុន្តែការទិញផលិតផលកសិកម្មផ្សេងទៀត និងការផ្គត់ផ្គង់ រ៉ែកម្រ (rare earths) នៅតែយឺតជាងការរំពឹងទុករបស់អាមេរិក៕
