បណ្តាញព័ត៌មាន Rybar ដែលមានទំនាក់ទំនងជិតស្និទ្ធជាមួយវិមានក្រឹមឡាំង បានរាយការណ៍កាលពីថ្ងៃទី៧ ខែតុលា ឆ្នាំ២០២៦ថា កងកម្លាំងរបស់ទីក្រុងមូស្គូ កំពុងបាត់បង់ការគ្រប់គ្រងលើភូមិមួយចំនួន នៅភាគខាងត្បូងនៃទីក្រុង Lyman ដែលជាទីក្រុងមួយពួកគេធ្លាប់ព្យាយាមដណ្តើមយក ដើម្បីប្រើជាមូលដ្ឋានសម្រាប់បើកការវាយលុកទ្រង់ទ្រាយធំ ទៅលើទីក្រុង Sloviansk និង Kramatorsk ដែលត្រូវបានចាត់ទុកថាជា”ខ្សែបន្ទាត់បន្ទាយការពារ”ដ៏រឹងមាំ។
សារព័ត៌មានAl Jazeera ។
ប្រតិបត្តិការវាយបករបស់អ៊ុយក្រែនដែលមានឈ្មោះថា”Operation Vivaldi” (ប្រតិបត្តិការ វីវ៉ាល់ឌី) នៅឆ្នាំនេះ បានដណ្តើមយកទឹកដីទំហំ ១៧៥ គីឡូម៉ែត្រការ៉េ(៦៧ម៉ាយការ៉េ) ដែលធ្លាប់ត្រូវបានកាន់កាប់ពីមុនមកនៅជុំវិញទីក្រុង Lyman មកវិញ។
Rybar បានសរសេរថា៖«កងកម្លាំងសត្រូវកំពុងប្រើប្រាស់ភាពជោគជ័យនៅទិសដៅទីក្រុង Lyman ដើម្បីពង្រីកការវាយប្រហារ [ទៅកាន់តំបន់ភាគខាងកើតនៃទីក្រុង Sloviansk]។
ដែលនៅទីនោះកងទ័ពរុស្ស៊ី ត្រូវបានបង្ខំឱ្យការពារទីតាំងដែលខ្លួនធ្លាប់កាន់កាប់ និងត្រូវចំណាយធនធានដើម្បីស្តារការគ្រប់គ្រងឡើងវិញ ជាជាងការបើកការវាយលុកដោយខ្លួនឯង»។
«វាបានក្លាយជារឿងកាន់តែច្បាស់ឡើងថា លទ្ធភាពនៃការវាយលុកចូលតំបន់ទីក្រុង Sloviansk គឺកំពុងតែឃ្លាតឆ្ងាយទៅៗ ហើយនឹងមិនអាចកើតឡើងក្នុងពេលឆាប់ៗនេះឡើយ»៕
