កាលពីថ្ងៃទី៨ ខែវិច្ឆិកា ឆ្នាំ២០២៦ ការវាយប្រហាររបស់កងទ័ពអ៊ីស្រាអែលនៅតំបន់ហ្គាហ្សា បានបណ្តាលឱ្យជនជាតិប៉ាឡេស្ទីន២នាក់ស្លាប់ និង១២នាក់ផ្សេងទៀតរងរបួស ទោះបីមានបទឈប់បាញ់ចាប់តាំងពីខែតុលា ឆ្នាំ២០២៥ ក៏ដោយ។
សារព័ត៌មានAA new។
ការវាយប្រហារបានកើតឡើងទាំងនៅភាគខាងជើង និងភាគខាងត្បូងនៃតំបន់ហ្គាហ្សា។ កងទ័ពអ៊ីស្រាអែលបានប្រើប្រាស់យន្តហោះគ្មានមនុស្សបើក និងបាញ់ប្រហារលើក្រុមជនស៊ីវិល ព្រមទាំងបាញ់ផ្លោងទៅកាន់តំបន់មួយចំនួនផងដែរ។
តាមក្រសួងសុខាភិបាលហ្គាហ្សា ចាប់តាំងពីបទឈប់បាញ់ចូលជាធរមាននៅថ្ងៃទី១០ ខែតុលា ឆ្នាំ២០២៥ មក ជនជាតិប៉ាឡេស្ទីនយ៉ាងហោចណាស់ ១.៦១០នាក់បានស្លាប់ និង ៥.៨១៩នាក់រងរបួស ដោយសារការវាយប្រហាររបស់អ៊ីស្រាអែល។
គួរបញ្ជាក់ថា សង្គ្រាមដែលបានចាប់ផ្តើមក្នុងខែតុលា ឆ្នាំ២០២៣ បានបណ្តាលឱ្យជនជាតិប៉ាឡេស្ទីនជាង ៧៤.០០០នាក់ស្លាប់ និងជាង ១៧៥.០០០នាក់រងរបួស ព្រមទាំងបំផ្លាញហេដ្ឋារចនាសម្ព័ន្ធស៊ីវិលប្រមាណ ៩០% នៅតំបន់ហ្គាហ្សា៕
