ប្រជាជនអង់គ្លេសប្រមាណ ៧៨% បានចាត់ទុកប្រទេសអ៊ីស្រាអែលថា ជាការគំរាមកំហែងធ្ងន់ធ្ងរដល់សន្តិភាពពិភពលោក។ នេះបើយោងតាមរបាយការណ៍ស្ទង់មតិរបស់មជ្ឈមណ្ឌលជាតិសម្រាប់ការស្រាវជ្រាវសង្គម (NatCen) ដែលបានចេញផ្សាយនៅខែវិច្ឆិកា ឆ្នាំ២០២៦។
សារព័ត៌មានAnadolu Agency នៅថ្ងៃទី១១ខែវិច្ឆិកា។
លទ្ធផលនេះបានកើនឡើងយ៉ាងខ្លាំង បើប្រៀបធៀបនឹងឆ្នាំ២០០៥ ដែលមានត្រឹមតែ ៤៨% ប៉ុណ្ណោះ។ ចំនួននេះក៏ខ្ពស់ជាងប្រទេសអ៊ីរ៉ង់ ដែលមាន ៧៥% និងសហរដ្ឋអាមេរិក ដែលមាន ៧៤% ផងដែរ។
របាយការណ៍បានបញ្ជាក់ថា ការយល់ឃើញអវិជ្ជមានរបស់ប្រជាជនអង់គ្លេសចំពោះអ៊ីស្រាអែល បានកើនឡើងដោយសារតែការចូលរួមរបស់ប្រទេសនេះក្នុងជម្លោះនៅមជ្ឈិមបូព៌ា ជាពិសេសសង្គ្រាមនៅតំបន់ហ្គាហ្សា និងការវាយប្រហាររួមគ្នារវាងអាមេរិក និងអ៊ីស្រាអែលលើប្រទេសអ៊ីរ៉ង់។
ចំពោះការបែងចែកតាមនិន្នាការនយោបាយ អ្នកគាំទ្រគណបក្សបៃតងមានចំនួនច្រើនជាងគេ គឺ ៨៨% ដែលចាត់ទុកអ៊ីស្រាអែលជាការគំរាមកំហែង បន្ទាប់មកគឺអ្នកគាំទ្រគណបក្សការងារ ៨៤% គណបក្សសេរីប្រជាធិបតេយ្យ ៧៩% គណបក្សអភិរក្ស ៧០% និងគណបក្ស Reform UK ៦២%៕
