អតីតសមាជិកសភាប្រទេសអ៊ីរ៉ាក់ លោក Ahmed al-Alwani ត្រូវបានគេប្រទះឃើញស្លាប់នៅក្នុងផ្ទះល្វែងមួយ ក្នុងតំបន់ Tariq Jadida នៃទីក្រុងបេរូត ប្រទេសលីបង់ កាលពីថ្ងៃអង្គារ ទី១០ ខែវិច្ឆិកា ឆ្នាំ២០២៦។ ករណីនេះបានធ្វើឱ្យអាជ្ញាធរលីបង់ និងអ៊ីរ៉ាក់បើកការស៊ើបអង្កេត ដើម្បីស្វែងរកមូលហេតុនៃការស្លាប់ និងអ្នកពាក់ព័ន្ធ។
សារព័ត៌មានAnadolu Agency។
បច្ចុប្បន្ន អាជ្ញាធរមិនទាន់បង្ហាញពីមូលហេតុនៃការស្លាប់ ឬកំណត់អត្តសញ្ញាណជនសង្ស័យនៅឡើយទេ។ ស្ថានទូតអ៊ីរ៉ាក់ប្រចាំប្រទេសលីបង់កំពុងសហការជាមួយកម្លាំងសន្តិសុខលីបង់ ដើម្បីតាមដានការស៊ើបអង្កេត។
ការិយាល័យព័ត៌មានរបស់លោក al-Alwani បានអំពាវនាវឱ្យអាជ្ញាធរប្រទេសទាំងពីរធ្វើការស៊ើបអង្កេតដោយតម្លាភាព និងនាំអ្នកដែលពាក់ព័ន្ធក្នុងការរៀបចំ និងអនុវត្តឃាតកម្មនេះមកទទួលខុសត្រូវចំពោះមុខច្បាប់។
គួរបញ្ជាក់ថា លោក al-Alwani ធ្លាប់ជាតំណាងរាស្ត្រមកពីខេត្ត Anbar ភាគខាងលិចប្រទេសអ៊ីរ៉ាក់ និងជាប្រធានគណៈកម្មការសេដ្ឋកិច្ចក្នុងសភា។ លោកក៏ធ្លាប់ត្រូវបានចាប់ខ្លួននៅឆ្នាំ២០១៣ និងឃុំខ្លួនអស់រយៈពេលជាង ១១ឆ្នាំ មុនពេលត្រូវបានដោះលែងនៅចុងខែមេសា ឆ្នាំ២០២៥ ក្រោមច្បាប់លើកលែងទោសទូទៅ៕
