មេដឹកនាំប្រទេសមហាអំណាចនុយក្លេអ៊ែរធំៗចំនួន៣ រួមមាន លោក ដូណាល់ ត្រាំ ប្រធានាធិបតីអាមេរិក លោក ស៊ី ជីនពីង ប្រធានាធិបតីចិន និងលោក វ្ល៉ាឌីមៀរ ពូទីន ប្រធានាធិបតីរុស្ស៊ី គ្រោងជួបពិភាក្សាត្រីភាគីនៅថ្ងៃព្រហស្បតិ៍សប្ដាហ៍ក្រោយ នៅក្រៅកិច្ចប្រជុំកំពូល APEC ក្នុងទីក្រុងសិនជិនប្រទេសចិន។
សារព័ត៌មានAp នៅថ្ងៃទី១៤ខែវិច្ឆិកា។
សេតវិមានអាមេរិកបានបញ្ជាក់ពីគម្រោងជំនួបនេះកាលពីថ្ងៃសុក្រ ទី១៣ ខែវិច្ឆិកា ឆ្នាំ២០២៦។ ជំនួបនេះត្រូវបានចាត់ទុកថាជាការជួបប្រជុំមិនធ្លាប់មានពីមុនមករវាងមេដឹកនាំប្រទេសមហាអំណាចនុយក្លេអ៊ែរទាំងបី។
តាមមន្ត្រីអាមេរិក លោក ត្រាំ មានបំណងពិភាក្សាជាមួយមេដឹកនាំចិន និងរុស្ស៊ីអំពីសង្គ្រាមរបស់អាមេរិកជាមួយអ៊ីរ៉ង់ ព្រមទាំងស្វែងរកកិច្ចព្រមព្រៀងត្រីភាគីស្តីពីការគ្រប់គ្រងអាវុធនុយក្លេអ៊ែរ។ ប៉ុន្តែបញ្ហាសង្គ្រាមនៅអ៊ុយក្រែនមិនត្រូវបានគ្រោងលើកយកមកពិភាក្សានោះទេ។
ជំនួបនេះកើតឡើងក្នុងពេលទំនាក់ទំនងរវាងប្រទេសទាំងបីមានភាពស្មុគស្មាញ ដោយសារភាពតានតឹងផ្នែកពាណិជ្ជកម្ម សង្គ្រាមអ៊ីរ៉ង់ និងសង្គ្រាមរុស្ស៊ី-អ៊ុយក្រែន។
ទោះជាយ៉ាងណា អ្នកវិភាគយល់ថា ជំនួបនេះអាចមានសារៈសំខាន់ខាងនយោបាយ និងជានិមិត្តរូបជាងការសម្រេចបានលទ្ធផលជាក់ស្តែងធំៗ ជាពិសេសបញ្ហាកិច្ចព្រមព្រៀងអាវុធនុយក្លេអ៊ែរ ក្រោយសន្ធិសញ្ញា New START រវាងអាមេរិក និងរុស្ស៊ីបានផុតកំណត់កាលពីខែកុម្ភៈ ឆ្នាំ២០២៦៕
