ពត៌មានអន្តរជាតិ

កាលពីថ្ងៃសៅរ៍ទី៥ ខែមេសានេះ ពលរដ្ឋអាមេរិករាប់ម៉ឺននាក់ បាននាំគ្នាធ្វើបាតុកម្ម នៅតាមក្រុងធំៗ ទូទាំងសហរដ្ឋអាមេរិក ។ ដើម្បីសម្តែងការតវ៉ាប្រឆាំងនឹង គោលនយោបាយដ៏ចម្រូងចម្រាស របស់ប្រធានាធិបតី លោក ដូណាល់ ត្រាំ ។ ប្រភពពីព័ត៌មាន AFP។

ពលរដ្ឋរាប់ពាន់នាក់ បានប្រមូលផ្ដុំគ្នានៅក្នុងរដ្ឋធានីសេអ៊ូល កាលពីថ្ងៃសៅរ៍ ទី៥ ខែមេសា ដើម្បីបង្ហាញការគាំទ្រដល់អតីតប្រធានាធិបតីកូរ៉េខាងត្បូង លោក Yoon Suk Yeol ។ ដែលត្រូវបានទម្លាក់ចេញពីតំណែង កាលពីថ្ងៃសុក្រសប្ដាហ៍នេះ ជុំវិញការប្រកាសដាក់ឱ្យប្រើប្រាស់ច្បាប់អាជ្ញាសឹក។ ប្រភពពីសារព័ត៌មាន AFP។

ប្រភពវេជ្ជសាស្ត្របាននិយាយថា យ៉ាងហោចណាស់ជនជាតិប៉ាឡេស្ទីន27នាក់ត្រូវបានសម្លាប់កាលពីថ្ងៃសៅរ៍(ទី៥ខែមេសា)នៅក្នុងការវាយប្រហារជាច្រើនដងរបស់អ៊ីស្រាអែលនៅទូទាំងតំបន់ហ្គាហ្សាស្ទ្រីប ខណៈដែលកងទ័ពអ៊ីស្រាអែលបានបន្តវាយកម្ទេចអគារលំនៅដ្ឋាននៅភាគខាងលិចទីក្រុងរ៉ាហ្វា។

មន្ត្រីក្នុងតំបន់បាននិយាយថា ការវាយប្រហាររបស់រុស្ស៊ី បានសម្លាប់ជនស៊ីវិល១៩នាក់នៅទីក្រុង Kryvyi Rih របស់អ៊ុយក្រែន កាលពីថ្ងៃសុក្រ។ ចំណែកក្រសួងការពារជាតិរុស្ស៊ី បានចេញអះអាងថា ខ្លួនកំណត់គោលដៅលេីយោធាប៉ុណ្ណោះ។ ប្រភពពីសារព័ត៌មានReuters កាលពីទី៥ ខែមេសា ឆ្នាំ ២០២៥។

មេដឹកនាំរដ្ឋាភិបាលបណ្តោះអាសន្នបាននិយាយកាលពីថ្ងៃសុក្រ(ទី៤ខែមេសា)ថាប្រទេសមីយ៉ាន់ម៉ាបានកំណត់អត្តសញ្ញាណសមាជិកចំនួន 180,000 នៃជនភៀសខ្លួនរ៉ូហ៊ីងយ៉ាដែលរស់នៅក្នុងប្រទេសបង់ក្លាដែសថាមានសិទ្ធិសម្រាប់ការធ្វើមាតុភូមិនិវត្តន៍។ ប្រភពពីសារព័ត៌មានAljazeera។

កិច្ចខិតខំប្រឹងប្រែងស្វែងរក និងជួយសង្គ្រោះនៅតែបន្តធ្វើឡើងបន្ទាប់ពីការរញ្ជួយដីដ៏ខ្លាំងក្លាបានបំផ្លិចបំផ្លាញកណ្តាលប្រទេសមីយ៉ាន់ម៉ា បណ្តាលឲ្យមនុស្សរាប់ពាន់នាក់ស្លាប់និងរងរបួស។

ក្រុមសិទ្ធិមនុស្សប៉ាឡេស្ទីនបាននិយាយកាលពីថ្ងៃសុក្រ(ទី៤ខែមេសា)ថា កងកម្លាំងអ៊ីស្រាអែលបានចាប់ខ្លួនជនជាតិប៉ាឡេស្ទីនជាង100 នាក់នៅតំបន់ West Bank ដែលកាន់កាប់កាលពីសប្តាហ៍មុនរួឞទាំងស្ត្រី កុមារ និងអតីតអ្នកជាប់ឃុំ។ ប្រភពពីសារព័ត៌មានAljazeera។

ក្រសួងសុខាភិបាល បាននិយាយកាលពីថ្ងៃសុក្រថា ការវាយប្រហារតាមអាកាសរបស់អ៊ីស្រាអែល លើតំបន់ហ្គាហ្សាស្ទ្រីប បានសម្លាប់ជនជាតិប៉ាឡេស្ទីនយ៉ាងហោចណាស់ 86 នាក់បន្ថែមទៀត ។

(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹង អំពីស្ថានភាពធាតុអាកាសនៅកម្ពុជា សម្រាប់ថ្ងៃទី៥ខែមេសាឆ្នាំ២០២៥។ ក្នុងនោះក្រសួងបញ្ជាក់ថា៖ ខ្យល់មូសុងឦសានដែលបក់ លើសមុទ្រចិនខាងត្បូងចាប់ផ្តើមមានឥទ្ធិពល ខណៈសម្ពាធ ទាប បន្តគ្របដណ្តប់លើភាគខាងក្រោមនៃអាងទន្លេមេគង្គ និងលើព្រះរាជាណាចក្រកម្ពុជា។ស្ថានភាព បែបនេះនឹងធ្វើឱ្យ៖ ចាប់ពីថ្ងៃទី៥ខែមេសាដល់ថ្ងៃទី៧ខែមេសាឆ្នាំ២០២៥

យោងតាមទីភ្នាក់ងារឧតុនិយម អាកាសធាតុនិងភូគព្ភសាស្ត្រ របស់ប្រទេសឥណ្ឌូនេស៊ី បានឱ្យដឹងថាគ្រោះរញ្ជួយដីកម្រិត 5.9 រ៉ិចទ័របានវាយប្រហារនៅខេត្ត Maluku ខាងជើងភាគខាងកើតប្រទេសឥណ្ឌូណេស៊ី កាលពីថ្ងៃព្រហស្បតិ៍(ទី៣ខែមេសា)ដោយមិនបង្កការខូចខាត ឬបង្កជារលកធំៗនោះទេ។