កាលពីថ្ងៃព្រហស្បតិ៍ទី២១ខែវិច្ឆិកា អ៊ីស្រាអែល បន្តទម្លាក់គ្រាប់បែកលើតំបន់ហ្គាហ្សា និងបាញ់សម្លាប់យុវជនប៉ាឡេស្ទីនពីរនាក់នៅ Kafr Aqab ក្នុងភាគខាងកើតយេរូសាឡឹមដែលខ្លួនកាន់កាប់។
ប្រភពពីសារព័ត៌មានAl Jazeera។
យោងតាមទីភ្នាក់ងារប៉ាឡេស្ទីន Wafa ក្មេងជំទង់ពីរនាក់មានឈ្មោះSami Ibrahim ,Sami Mashayekh អាយុ ១៦ ឆ្នាំ ត្រូវបានសម្លាប់ដោយកងកម្លាំងអ៊ីស្រាអែលក្នុងតំបន់ Kafr Aqab នៅជាយ Ramallah។
ប្រភពពេទ្យ Nasser នៅតំបន់ហ្គាហ្សាខាងត្បូងបានប្រាប់ Al Jazeera ថា អ្នកប៉ាឡេស្ទីនម្នាក់ទៀតត្រូវបានសម្លាប់ដោយកងកម្លាំងអ៊ីស្រាអែល នៅខាងក្រៅខ្សែបន្ទាត់ពណ៌លឿងជិតទីក្រុង Khan Younis ដែលកំពុងរងការវាយប្រហារតាមបណ្តោយខ្សែគ្រាប់បែកជាបន្តបន្ទាប់។
អង្គការសុខាភិបាលប៉ាឡេស្ទីនបានថ្លែងថា ការវាយប្រហារតាមអាកាសនៅពេលយប់បានធ្វើឲ្យកើតមានការខូចខាតយ៉ាងច្រើន និងបង្កើនការព្រួយបារម្ភអំពីស្ថានភាពមនុស្សធម៌ដែលធ្លាក់ក្នុងភាពអាសន្នជាបន្តបន្ទាប់៕