កម្មកររ៉ូម៉ានីម្នាក់បានស្លាប់ បន្ទាប់ពីការដួលរលំនៃប៉ម Torre dei Conti ដែលជាប៉មមជ្ឈិមសម័យល្បីមួយ ស្ថិតនៅជិតទីក្រុងបុរាណ Colosseum ក្នុងរ៉ូម។
ប្រភពពីសារព័ត៌មានAl Jazeera នៅថ្ងៃទី 4 ខែវិច្ឆិកា ឆ្នាំ 2025។
ជនរងគ្រោះមានឈ្មោះ Octay Stroici ត្រូវបានជាប់គាំងរយៈពេលជាច្រើនម៉ោងក្រោមគំនរបាក់បែក បន្ទាប់ពីប៉មប្រវែងប្រមាណ 29 ម៉ែត្រ (ប្រហែល 95 ហ្វីត) បានដួលរលំដោយផ្នែក នៅពេលគាត់កំពុងធ្វើការជួសជុលអគារនេះ។ ក្រុមពន្លត់អគ្គីភ័យ និងក្រុមជួយសង្គ្រោះបានប្រើពេលយូរជាងមួយម៉ោងក្នុងការប្រតិបត្តិការជួយសង្គ្រោះដ៏លំបាកមួយ។
លោក Stroici នៅតែដឹងខ្លួននៅពេលត្រូវបានដឹកទៅមន្ទីរពេទ្យ Umberto I, ប៉ុន្តែត្រូវបានប្រកាសថាស្លាប់នៅម៉ោង 12:20 ព្រឹកថ្ងៃអង្គារ (ម៉ោងមូលដ្ឋាន) ដោយសាររបួសធ្ងន់ធ្ងរ។ មន្ត្រីមន្ទីរពេទ្យបានបញ្ជាក់ថា ការជួយសង្គ្រោះបានធ្វើឡើងជាបន្តបន្ទាប់ ប៉ុន្តែសកម្មភាពបេះដូងមិនអាចស្តារឡើងវិញបានទេ។
នាយករដ្ឋមន្ត្រីអ៊ីតាលី Giorgia Meloni បានចេញសេចក្តីថ្លែងការណ៍រំលែកទុក្ខ ដោយនិយាយថាខ្ញុំសូមសម្តែងការសោកស្តាយយ៉ាងជ្រាលជ្រៅ ចំពោះ ការបាត់បង់ដ៏សោកសៅរបស់លោក Octay Stroici។ រដ្ឋាភិបាលអ៊ីតាលីសូមផ្តល់ក្តីស្រលាញ់ និងការគាំទ្រដល់ ក្រុមគ្រួសារ និងសហការីរបស់គាត់៕