ព្យុះទីហ្វុង Kalmaegi បានវាយប្រហារភាគកណ្តាលប្រទេសហ្វីលីពីនយ៉ាងខ្លាំង កាលពីយប់ថ្ងៃចន្ទ ទី 3 ខែវិច្ឆិកា ឆ្នាំ 2025 បណ្តាលឲ្យស្លាប់ពីរនាក់ និងជម្លៀសប្រជាជនរាប់រយពាន់នាក់ចេញពីផ្ទះរបស់ពួកគេ។
ប្រភពពីសារព័ត៌មានAl Jazeera នៅថ្ងៃទី៤ខែវិច្ឆិកា។
ព្យុះនេះ បាននាំឲ្យមានភ្លៀងធ្លាក់ខ្លាំង ខ្យល់កន្ត្រាក់ និងទឹកជំនន់លើកដ៏ធំ នៅតំបន់កណ្តាលប្រទេស។ ប្រជាពលរដ្ឋជាច្រើនត្រូវបានគេចេញទៅកន្លែងជ្រកកោន ខណៈដែលរថយន្តជាច្រើនត្រូវបានអណ្តែតលើផ្លូវដែលលិចទឹក។
លោក Rhon Ramos មន្ត្រីព័ត៌មាននៅលើកោះ Cebu បានប្រាប់សារព័ត៌មាន AFP ថាមនុស្សដែលជាប់នៅលើដំបូលផ្ទះកំពុងស្នើសុំការ ជួយសង្គ្រោះ។ សូម្បីតែមជ្ឈមណ្ឌលជម្លៀសមួយចំនួនក៏ត្រូវបានជន់លិចផងដែរ។
ព្យុះKalmaegi ដែលជាព្យុះស៊ីក្លូនត្រូពិចលំដាប់ទី ២០ ក្នុង ឆ្នាំនេះ បានបោកបក់ចូលដីនៅមុនម៉ោង 12 យប់ថ្ងៃចន្ទ ហើយ កំពុងផ្លាស់ទីទៅទិសខាងលិចក្នុងល្បឿនប្រហែល 25 គីឡូម៉ែត្រក្នុងមួយម៉ោង។ អ្នកព្យាករណ៍អាកាសធាតុបាន ព្យាករណ៍ថា វានឹងឆ្ពោះចេញពីតំបន់ភាគខាងលិចនៃប្រទេស និងចូលទៅក្នុងសមុទ្រចិនខាងត្បូងនៅព្រឹកថ្ងៃពុធ។
អាជ្ញាធរបានអះអាងថា ប្រជាជនចំនួនប្រមាណ 387,000 នាក់ត្រូវបានជម្លៀសចេញពីផ្លូវព្យុះ ដើម្បីជៀសវាងគ្រោះថ្នាក់៕