យ៉ាងហោចណាស់មនុស្ស 32 នាក់បានស្លាប់នៅក្នុងសាធារណរដ្ឋប្រជាធិបតេយ្យកុងហ្គោ (DRC) បន្ទាប់ពីស្ពានមួយនៅអណ្តូងរ៉ែទង់ដែងនិង cobalt បានដួលរលំដោយសារតែមានមនុស្សច្រើនពេក។
រដ្ឋមន្ត្រីក្រសួងមហាផ្ទៃខេត្ត លោក Roy Kaumbe Mayonde បាននិយាយកាលពីថ្ងៃអាទិត្យថា ហេតុការណ៍នេះបានកើតឡើងនៅអណ្តូងរ៉ែ Kalando នៅភាគអាគ្នេយ៍ខេត្ត Lualaba កាលពីថ្ងៃសៅរ៍។
លោក Mayonde បានមានប្រសាសន៍ថាទោះបីជាមានការហាមឃាត់ជាផ្លូវការលើការចូលទៅកាន់ទីតាំងនោះដោយសារតែភ្លៀងធ្លាក់ខ្លាំង និងហានិភ័យនៃការរអិលបាក់ដីក៏ដោយ ក៏ក្រុមអ្នករុករករ៉ែព្រៃបានបង្ខំចិត្តចូលទៅក្នុងអណ្តូងរ៉ែ។
របាយការណ៍នេះបានឲ្យដឹងថាអណ្តូងរ៉ែនេះគឺជាចំណុចកណ្តាលនៃជម្លោះយូរអង្វែង រវាងក្រុមអ្នករុករករ៉ែព្រៃដែលជាសហករណ៍មួយដែលមានបំណងរៀបចំការ ជីកកកាយនៅទីនោះនិងប្រតិបត្តិករផ្នែកច្បាប់នៃការដ្ឋានដែលត្រូវបានគេនិយាយថាមាន ការពាក់ព័ន្ធពីចិន។
សាធារណរដ្ឋប្រជាធិបតេយ្យកុងហ្គោ គឺជាប្រទេសផលិតកូបាល់ធំជាងគេបំផុតរបស់ពិភពលោក ដែលជាសារធាតុរ៉ែមួយប្រភេទដែលប្រើសម្រាប់ផលិតអាគុយលីចូម-អ៊ីយ៉ុងសម្រាប់យានយន្តអគ្គិសនី និងផលិតផលផ្សេងៗទៀត ដោយក្រុមហ៊ុនចិនគ្រប់គ្រងផលិតកម្ម ៨០ ភាគរយនៅក្នុងប្រទេសអាហ្វ្រិកកណ្តាល៕