មនុស្សចំនួន៤១នាក់បានស្លាប់ និងមនុស្ស៩នាក់បានបាត់ខ្លួន បន្ទាប់ពីទឹកជំនន់បានបំផ្លាញភាគកណ្តាលប្រទេសវៀតណាមក្នុងសប្តាហ៍នេះ នេះបើយោងតាមនាយកដ្ឋានគ្រប់គ្រងទំនប់ទឹក និងបង្ការគ្រោះមហន្តរាយធម្មជាតិបានបញ្ជាក់។
ប្រភពពីសារព័ត៌មានVNExpress។
ប្រព័ន្ធផ្សព្វផ្សាយក្នុងស្រុក VN Express បានរាយការណ៍ដោយដកស្រង់សម្តីរបស់នាយកដ្ឋានថា ផ្ទះជាង ៥២.០០០ ខ្នងត្រូវបានជន់លិចនៅក្នុងតំបន់ហើយដំណាំរាប់ពាន់ហិកតា រួមជាមួយសត្វពាហនៈ និងបសុបក្សីក៏ត្រូវបានបាត់បង់ដោយសារទឹកជំនន់ផងដែរ។
ខេត្តដាក់ឡាក់មានមនុស្សស្លាប់១៦នាក់និងខេត្តខាញ់ហ័រ ដែលមានមនុស្សស្លាប់១៤នាក់ គឺជាខេត្តដែលរងគ្រោះច្រើនជាងគេ។
អតិថិជនជាង ១ លាននាក់ក៏បានបាត់បង់អគ្គិសនីដោយសារតែអាកាសធាតុអាក្រក់នេះដែរ ទោះបីជាអគ្គិសនីត្រូវបានស្តារឡើងវិញដល់គ្រួសារប្រហែល ៦០០.០០០ គ្រួសារក៏ដោយ។ ការរអិលបាក់ដីជាង ១៤០ បានកើតឡើងនៅលើដងផ្លូវ។
បុគ្គលិក និងមន្ត្រីប៉ូលីសរាប់ពាន់នាក់ត្រូវបានដាក់ពង្រាយដើម្បីឆ្លើយតបទៅនឹងស្ថានភាពនេះ៕