ប្រទេសចិនបានអំពាវនាវម្តងទៀតឱ្យសហរដ្ឋអាមេរិក និងអ៊ីរ៉ង់បញ្ឈប់ការបង្កើនភាពតានតឹង បន្ទាប់ពីមានការវាយប្រហារតាមអាកាសថ្មីៗរវាងភាគីទាំងពីរ។
ប្រភពពីសារព័ត៌មានAnadolu Agency នៅថ្ងៃទី១០ខែមិថុនា។
អ្នកនាំពាក្យក្រសួងការបរទេសចិនបានបញ្ជាក់ថា ចិនមានការព្រួយបារម្ភយ៉ាងខ្លាំងចំពោះស្ថានភាព និងស្នើឱ្យភាគីទាំងពីរអត់ធ្មត់ និងប្រើវិធីសាស្រ្តការទូតជំនួសការប្រើកម្លាំងយោធា។
ការអំពាវនាវនេះកើតឡើងបន្ទាប់ពីអាមេរិកបានវាយប្រហារលើគោលដៅយោធាអ៊ីរ៉ង់ ដោយអះអាងថាជាការឆ្លើយតបទៅនឹងការបាញ់ទម្លាក់ឧទ្ធម្ភាគចក្រ Apache របស់ខ្លួន ខណៈអ៊ីរ៉ង់ក៏បានវាយតបវិញលើគោលដៅអាមេរិកនៅតំបន់ជិតខាង៕
